ଟ୍ରମ୍ପଙ୍କ ବାୟୋପିକ୍ ମୁଁ କରିବି, ଏମିତି କହିଲେ ସଞ୍ଜୁ ବାବା
ସଞ୍ଜୟଙ୍କ ଜୀବନରେ ବାୟୋପିକ୍ ପ୍ରସ୍ତୁତ କରାଯାଇଛି। ଯେଉଁଥିରେ ରଣବୀର କପୁର ମୁଖ୍ୟ ଭୂମିକାରେ ଥିଲେ। ହେଲେ ବର୍ତ୍ତମାନ ସଞ୍ଜୟ ଜଣଙ୍କ ବାୟୋପିକ୍ରେ କାମ କରିବାକୁ ଚାହୁଁଛନ୍ତି। ଏନେଇ ସେ ନିଜେ ଦି କପିଲ ଶର୍ମା ଶୋ’ରେ ଖୁଲାସା କରିଛନ୍ତି। ସେଠାରେ ତାଙ୍କୁ ପଚରାଯାଇଥିଲା ଯେ, ସେ କେଉଁ ବ୍ୟକ୍ତିଙ୍କ ବାୟୋପିକ କରିବାକୁ ଚାହୁଁଛନ୍ତି। ଏହାର ଉତ୍ତରରେ ସେ ଏକ ମଜାଳିଆ ଉତ୍ତର ଦେଇଥିଲେ। ସେ କହିଥିଲେ, ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କର। ସେ ଜଣେ ଭଲ ମଣିଷ। ମନକୁ ଯାହା ଆସିଥାଏ ସେ କିଛି ବି କହିଦିଅନ୍ତି। ସଞ୍ଜୟଙ୍କ ଏହି ଉତ୍ତର ଯୋଗୁ ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
'କେଜିଏଫ-୨'ରେ ଅଧିରାଙ୍କ ଚରିତ୍ର ହେଉ କିମ୍ବା 'ଅଗ୍ନିପଥରେ' କାଞ୍ଚା ଚୀନାଙ୍କ ଭୂମିକା ହେଉ ଅଭିନେତା ସଞ୍ଜୟ ଦତ୍ତ ନିଜର ଦମ୍ଦାର ଅଭିନୟ ଯୋଗୁ ଦର୍ଶକଙ୍କ ହୃଦୟ ଜିତିଥାନ୍ତି। ତଥାପି ଏଭଳି ଏକ ଚରିତ୍ର ଅଛି ଯାହାକୁ ସଞ୍ଜୟ କରିବାକୁ ବହୁ ଇଚ୍ଛୁକ ଅଛନ୍ତି। ହେଲେ ଏପର୍ଯ୍ୟନ୍ତ ସେ ଏପରି କରିବାର ସୁଯୋଗ ପାଇନାହାଁନ୍ତି। ଲୋକପ୍ରିୟ କମେଡି ଶୋ' 'ଦ କପିଲ ଶର୍ମା'ରେ କିଛି ଏଭଳି କହିଛନ୍ତି ବଲିଉଡ୍ ଅଭିନେତା ସଞ୍ଜୟ ଦତ୍ତ।
Powered by Froala Editor
