ପ୍ରାୟ ସାତ ଦଶନ୍ଧି ପରେ ଆଫ୍ରିକାର ନାମିବିୟାରୁ ଭାରତକୁ ୮ ଚିତା ବାଘ ଆସିବ । ମଧ୍ୟପ୍ରଦେଶରେ ଥିବା କୁନୋ ଜାତୀୟ ଉଦ୍ୟାନକୁ ଆସିବେ ଏହି ୮ଟି ଚିତା। ଦେଶବାସୀଙ୍କୁ ମୋଦୀ ଜନ୍ମଦିନରେ ଉପହାର ଦେବେ ଏହି ଚିତାବାଘ। ଆସନ୍ତା ୧୭ ତାରିଖରେ ଭାରତକୁ ଚିତା ବାଘ ଆଣିବା ପାଇଁ ସମସ୍ତ ପ୍ରସ୍ତୁତି ସରିଛି। ନାମିବିୟାରେ ଚିତା ବାଘଙ୍କୁ ନେଇ ଆସିବାକୁ ଥିବା ବିମାନକୁ ମଧ୍ୟ ସ୍ୱତନ୍ତ୍ର ରୂପେ ଡିଜାଇନ୍‌ କରାଯାଇଛି। ଏହି ବିମାନରେ ଚିତା ବାଘର ମୁହଁକୁ ଚିତ୍ରିତ କରାଯାଇଛି। ଯାହାର ଫଟୋକୁ ଭାରତୀୟ ହାଇ କମିସନ ଶେଆର କରିଛନ୍ତି ।

ସୂଚନାଥାଉକି, ଏହି ବାଘଗୁଡ଼ିକୁ ନାମିବିୟାରୁ ଆଣିବା ପାଇଁ ସମସ୍ତ ବ୍ୟବସ୍ଥା ସରିଛି। ବିମାନଟି ନାମିବିୟାର ରାଜଧାନୀ ଓ୍ବିଣ୍ଡହୋକରେ ପହଞ୍ଚିସାରିଛି। ତେବେ ଭାରତରେ ଥିବା ଓ୍ବିଣ୍ଡହୋକର ଉଚ୍ଚଆୟୋାଗ ଏନେଇ ଟ୍ବିଟ କରି କହିଛନ୍ତି ଯେ, ବାଘଭୂମୀରୁ ସାହାସୀ ଚିତାଙ୍କୁ ଆଣିବା ପାଇଁ ଏକ ସ୍ବତନ୍ତ୍ର ପକ୍ଷୀ ସେଠାରେ ଓହ୍ଲାଇ ସାରିଛି।”

ଏହି ସ୍ୱତନ୍ତ୍ର ବିମାନ B747 ଜମ୍ବୋ ଜେଟ୍ ୧୬ ସେପ୍ଟେମ୍ବର ଶୁକ୍ରବାର ଦିନ ନାମିବିୟାରୁ ୮ ଟି ଚିତାଙ୍କୁ ନେଇ ଭାରତ ଅଭିମୁଖେ ଉଡ଼ାଣ ଭରିବ। ବିମାନବନ୍ଦରର ସୂଚନା ମୁତାବକ, ରାତିରେ ଉଡ଼ାଣ ଭରିବା ଦ୍ୱାରା ଚିତାଗୁଡ଼ିକୁ ପହଞ୍ଚାଇବା ସହଜ ହେବ। ଏହି ବିମାନ ୧୭ ସେପ୍ଟେମ୍ବର ଶନିବାର ସକାଳେ ଜୟପୁର ବିମାନବନ୍ଦରରେ ଅବତରଣ କରିବ ଏବଂ ପରେ ଚିତାକୁ ହେଲିକପ୍ଟର ଯୋଗେ କୁନୋ ଅଭୟାରଣ୍ୟକୁ ନିଆଯିବ। ପାଖାପାଖି ୧୬ ଘଣ୍ଟା ଧରି ବିମାନଟି ସିଧାସଳଖ ନାମିବିୟାରୁ ଭାରତକୁ ଉଡ଼ାଣ ଭରିବ। ଏହାରି ଭିତରେ ଯେପରି କୌଣସି ଅସୁବିଧା ନହୁଏ, ସେନେଇ ବିଶେଷ ବ୍ୟବସ୍ଥା କରାଯାଇଛି।

୮ଟି ଚିତା ବାଘ ମଧ୍ୟରେ ୩ଟି ବାଘ ଓ ୫ଟି ବାଘୁଣୀ ଅଛନ୍ତି। ଚିତା ବାଘଙ୍କ ବୟସ ୨ରୁ ୫ ବର୍ଷ ବୟସ ହୋଇଥିବା ବେଳେ ବାଘୁଣୀଙ୍କ ବୟସ ସାଢେ ୪ ବର୍ଷରୁ ସାଢେ ୫ ବର୍ଷ ଭିତରେ ରହିଛି । ତେବେ ଆଣିବା ବାଟରେ ବିମାନ ଇନ୍ଧନ ଭର୍ତ୍ତି କରିବାକୁ କୌଣସି ସ୍ଥାନରେ ଅଟକିବ ନାହିଁ। ୧୭ ତାରିଖରେ ସକାଳ ୬ଟାରୁ ୭ଟା ଭିତରେ ଚିତା ବାଘକୁ ନେଇ ଆସୁଥିବା ବିମାନ ରାଜସ୍ଥାନ ବିମାନ ବନ୍ଦରରେ ପହଞ୍ଚିବ।

Powered by Froala Editor