ଏହି କାରଣରୁ ‘ଦ କପିଲ ଶର୍ମା ଶୋ’ ଛାଡିବେ ଭାରତୀ
ପୂର୍ବରୁ ସୁନୀଲ ଗ୍ରୋଭର ‘ଦ କପିଲ ଶର୍ମା’ ଶୋ ଛାଡିବା ପରେ ଲୋକଙ୍କ ଆନ୍ତରିକତା କମିଥିଲା । ତେବେ କମେଡିଆନ ଭାରତୀ ସିଂ ଫେରିବା ପରେ ପୁଣି ଶୋ’ର ଚମକ ବଢିଯାଇଥିଲା । ହେଲେ ଏବେ ଶୁଣିବାକୁ ମିଳୁଛି ଯେ, ଭାରତୀ କୁଆଡେ ଏହି ଶୋ’କୁ ଫେରିବେ ନାହିଁ ।
'ଦ କପିଲ ଶର୍ମା ଶୋ' ସେପ୍ଟେମ୍ବର ୧୦ରୁ ପ୍ରତି ଶନିବାର ଏବଂ ରବିବାର ଦର୍ଶକେ ଏହାକୁ ଦେଖିପାରିବେ। ନିକଟରେ ଏହାର କିଛି ପ୍ରମୋ ନଜର ଆସୁଛି। ହେଲେ ଭାରତୀ ପ୍ରମୋରେ ନଜର ନ ଆସିବା ପରେ ସେ ଶୋ' ଛାଡ଼ିଥିବା ନେଇ ଚର୍ଚ୍ଚା ଜୋର ଧରିଥିଲା। ଭାରତୀ ଏବେ ଏହା ପଛର କାରଣ କହିଛନ୍ତି। ଶୋ' ପୂର୍ବରୁ ତାଙ୍କୁ ଅଧିକ ଦିନର ବିରତି ଲୋଡ଼ା ଥିଲା। କାହିଁକିନା ଅନ୍ୟ ଶୋ' ପାଇଁ ଚୁକ୍ତି ରହିଛି। ଏମିତିରେ ସେମାନେ ବିଦେଶରୁ ଫେରି ଶୋ'କୁ ଆରମ୍ଭ କରିବାକୁ ଯାଉଛନ୍ତି। ଅନ୍ୟ ସ୍ଥାନରେ କଥା ଦେଇଥିବାରୁ ସେଠାକୁ ଫେରିହେବ ନାହିଁ। 'ସା ରେ ଗା ମା ପା'ରେ ସେ ନଜର ଆସିବେ। ଉଭୟଙ୍କ ଶୁଟିଂ ସମୟ ମଧ୍ୟ ସମାନ ନ ହେଲେ ମଝିରେ ମଝିରେ ସେ ଶୋ'ରେ ନଜର ଆସିବେ। ଏହାଛଡ଼ା ସେ ଏବେ ଜଣେ ମା'। ଏଥିଲାଗି ‘ଦ କପିଲ ଶର୍ମା’ରେ ସେ ନଜର ଆସିବେ ନାହିଁ ବୋଲି ଭାରତୀ କହିଛନ୍ତି।
Powered by Froala Editor
