ଗର୍ଭବତୀ ଥିବା ଜାଣି ପ୍ରେମିକାକୁ ମାରି ଟାଙ୍ଗିଦେଲା ପ୍ରେମିକ
ଝାଡଖଣ୍ଡରେ ଜଣେ ନାବାଳିକାକୁ ଦୁଷ୍କର୍ମ ପରେ ଗଛରେ ଟାଙ୍ଗି ଦିଆଯାଇଛି । ଗଛରେ ଝୁଲୁଥିବା ଅବସ୍ଥାରେ ମୃତଦେହ ଜବତ କରିଛି ପୋଲିସ । ଏହି ମାମଲାରେ ଅଭିଯୁକ୍ତ ଅରମାନ୍ ଅନସାରୀକୁ ଗିରଫ କରାଯାଇଛି ।
ଦୁମକାରେ ସମ୍ପର୍କୀୟଙ୍କ ଘରେ ରହୁଥିବା ସମୟରେ ପୀଡିତାର ଅନସାରୀ ସହ ପ୍ରେମ ସମ୍ପର୍କ ଗଢି ଉଠିଥିଲା । ପରେ ପୀଡିତା ଜଣକ ଗର୍ଭବତୀ ଥିବା ଜାଣିପାରି ଅନସାରୀଙ୍କୁ ବିବାହ କରିବା ପାଇଁ ଜିଦ୍ ଧରିଥିଲା । ଯେଉଁଥିପାଇଁ ଅନସାରୀ ପୀଡିତାକୁ ହତ୍ୟା କରିଛି ।
କିଛି ଦିନ ପୂର୍ବରୁ ଏକତରଫା ପ୍ରେମ ପାଇଁ ଝାଡଖଣ୍ଡରେ ଦ୍ବାଦଶ ଶ୍ରେଣୀ ଛାତ୍ରୀ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲା ଅଭିଯୁକ୍ତ ଶାହରୁଖ । ଆଜି ଦୁମକାରେ ପୁଣି ଏକ ଘଟଣା ଝାଡଖଣ୍ଡ ସରକାରଙ୍କ ପାଇଁ ଚ୍ୟାଲେଞ୍ଜ ପାଲଟିଛି ।
ଘଟଣାକୁ ଦୁର୍ଭାଗ୍ୟଜନକ କହି ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ହେମନ୍ତ ସୋରେନ । ଅଭିଯୁକ୍ତକୁ ବିରୁଦ୍ଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ । ପୀଡିତାଙ୍କ ପରିବାରକୁ ଭଗବାନ ଧୈର୍ଯ୍ୟ ଓ ଶକ୍ତି ଦିଅନ୍ତୁ ବୋଲି ଟ୍ବିଟ କରିଛନ୍ତି ମୁଖ୍ୟମନ୍ତ୍ରୀ ।
Powered by Froala Editor
