ଲିଙ୍ଗାୟତ ସମ୍ପ୍ରଦାୟ ତଥା ଚିତ୍ରଦୁର୍ଗା ଜିଲ୍ଲାରେ ଥିବା ଜଗତଗୁରୁ ମୁରୁଗରାଜେନ୍ଦ୍ର ବିଦ୍ୟାପୀଠ ମଠର ମୁଖ୍ୟ ପୂଜକ ଶିବମୂର୍ତ୍ତି ମୁରୁଘା ଶାରନାରୁ ଗିରଫ ହୋଇଛନ୍ତି। ନାବାଳିକାଙ୍କ ଦୁଷ୍କର୍ମ ଅଭିଯୋଗରେ ତାଙ୍କ ବିରୋଧରେ ପୋକ୍ସୋ ଆକ୍ଟରେ ମାମଲା ରୁଜୁ କରାଯାଇଥିଲା। ତେବେ ପୁଲିସ ତାଙ୍କୁ କେବଳ ପଚରାଉଚରା କରି ଛାଡ଼ିଦେଇଥିଲା।  ଏହି ମାମଲାରେ ତାଙ୍କୁ ଗିରଫ କରାଯାଇଛି । ସେ ଓ ଅନ୍ୟ ୪ ଜଣଙ୍କ ନାଁରେ ୨ ଜଣ ହାଇସ୍କୁଲ ଛାତ୍ରୀଙ୍କୁ ନିର୍ଯ୍ୟାତନା ଦେଉଥିବାର ଅଭିଯୋଗ ହୋଇଛି ।

କର୍ଣ୍ଣାଟକ ଚିତ୍ତରଦୁର୍ଗାରେ ଥିବା ଏକ ପ୍ରଖ୍ୟାତ ମଠର ମୁଖ୍ୟ ହେଲେ ଶିବମୁର୍ତ୍ତି ମୁରୁଘା ଶହରନରୁ। ଲିଙ୍ଗାୟତ ସମ୍ପ୍ରଦାୟରେ ତାଙ୍କର ପ୍ରଭାବ ଅନେକ। ହେଲେ ତାଙ୍କ ବିରୋଧରେ ନାବାଳିକା ଦୁଷ୍କର୍ମ ଲାଗିବା ପରେ ପୁଲିସ ତାଙ୍କୁ କେବଳ ଡକାଇ ପଚରାଉଚରା କରି ଛାଡ଼ିଦେଇଥିଲା। ଏହାପରେ ତାଙ୍କୁ ଗିରଫ କରିବା ନେଇ ଦାବି ଜୋର ଧରିଥିଲା। ହେଲେ ଶିବମୂର୍ତ୍ତିଙ୍କର ଲିଙ୍ଗାୟତ ସମ୍ପ୍ରଦାୟର ପ୍ରଭାବ ଥିବାରୁ ସରକାର ନିରବ ରହୁଥିଲେ ବୋଲି ଅଭିଯୋଗ ହେଉଥିଲା। ଶେଷରେ ଜନତାଙ୍କ ଚାପରେ ଆସି ସରକାର ତାଙ୍କୁ ଗିରଫ କରିଥିବା କୁହାଯାଉଛି। ନାବାଳିକା ଦୁଷ୍କର୍ମ ମାମଲାର ଏହା ପୂର୍ବରୁ ଆଜି କର୍ଣ୍ଣାଟକ ପୁଲିସ ହଷ୍ଟେଲ୍ ୱାର୍ଡେନ୍ ରଶ୍ମୀକୁ ଅଟକ ରଖିଥିଲା।

ଲିଙ୍ଗାୟତ ସଂପ୍ରଦାୟ କର୍ଣ୍ଣାଟକରେ ଏକ ପ୍ରଭାବଶାଳୀ ସଂପ୍ରଦାୟ ଭାବେ ଜଣାଶୁଣା । କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ୟୁଦ୍ୟୁରାପ୍ପା ଏବଂ ବର୍ତ୍ତମାନର ମୁଖ୍ୟମନ୍ତ୍ରୀ ବାସବରାଜ ବୋମାଇ ଏହି ସଂପ୍ରଦାୟରୁ ଆସନ୍ତି ।

Powered by Froala Editor