ଆଉ ଲୁଚାଛପାରେ ନୁହେଁ, ଖୋଲାଖୋଲି ପ୍ରେମକୁ ସ୍ୱୀକାର କଲେ ଅର୍ସଲାନ-ସୁଜୈନ
![ଆଉ ଲୁଚାଛପାରେ ନୁହେଁ, ଖୋଲାଖୋଲି ପ୍ରେମକୁ ସ୍ୱୀକାର କଲେ ଅର୍ସଲାନ-ସୁଜୈନ](https://odishanewslens.com/news_gallery/15319_1659815191.jpg)
ସ୍ବାମୀ ହ୍ରିତିକ୍ ରୋଶନଙ୍କଠାରୁ ଅଲଗା ହେବା ପରେ ଅର୍ସଲାନ ଗୋନୀଙ୍କୁ ଡେଟ୍ କରୁଛନ୍ତି ସୁଜୈନ ଖାଁ। ପ୍ରଥମେ ଲୁଚାଛପାରେ ପ୍ରେମ ଚାଲୁଥିବା ବେଳେ ଏବେ ସେମାନେ ଖୋଲାଖୋଲି ଭାବେ ସମ୍ପର୍କକୁ ସ୍ବୀକାର କରିଛନ୍ତି। ଦୀର୍ଘ ଦିନ ହେଲାଣି ହ୍ରିତିକ ଏବଂ ସବା ବିବାହ କରିବେ ବୋଲି ଚର୍ଚ୍ଚା ହେଉଥିବା ବେଳେ ଏବେ ସୁଜାନ, ପ୍ରେମିକ ଅର୍ସଲାନଙ୍କ ବିବାହ କରିବାକୁ ପ୍ରସ୍ତୁତ ହେଉଥିବା ସାମ୍ନାକୁ ଆସିଛି। ଦୁହେଁ ଖୁବ୍ଶୀଘ୍ର ହାତକୁ ଦୁଇହାତ ହେବାକୁ ଯୋଜନା କରୁଥିବା ନେଇ ଚର୍ଚ୍ଚା ଜୋର ଧରିଛି। ତେବେ ଦୁହେଁ କେବେ ବିବାହ କରିବେ ତାହା ସ୍ପଷ୍ଟ ହୋଇପାରିନାହିଁ।
ସୁଜୈନ ଦ୍ୱିତୀୟ ବିବାହ କରିବେ। ଯଦି ସେ ବିବାହ କରନ୍ତି ତେବେ ଏହା ଗୋପନୀୟ ହେବ। କେବଳ ପରିବାର ଏବଂ ସମ୍ପର୍କୀୟମାନେ ଏଥିରେ ଯୋଗ ଦେବେ। ଅପରପକ୍ଷେ ହ୍ରିତିକ ମଧ୍ୟ ପ୍ରେମିକା ସବା ଆଜାଦଙ୍କୁ ବିବାହ କରିବାକୁ ଯୋଜନା କରୁଥିବା କୁହାଯାଉଛି।
ହ୍ରିତିକ ଓ ସବାଙ୍କ ପ୍ରେମ କାହାଣୀ ବିଷୟରେ କହିବାକୁ ଗଲେ ଟ୍ବିଟରରୁ ଦୁହିଁଙ୍କ ପ୍ରେମ କାହାଣୀ ଆରମ୍ଭ ହୋଇଥିଲା। ହ୍ରିତିକ୍ ପ୍ରଥମେ ଟ୍ୱିଟରରେ ଏକ ଭିଡିଓ ସେୟାର କରିଥିଲେ, ଯେଉଁଥିରେ ସବା ଏବଂ ଜଣେ ରାପର୍ ନଜର ଆସିଥିଲେ। ସେବେଠାରୁ ଦୁହିଁଙ୍କର ବନ୍ଧୁତା ଆରମ୍ଭ ହୋଇଥିଲା। ସବା ହ୍ରିତିକଙ୍କୁ ତାଙ୍କର ପ୍ରଶଂସା ପାଇଁ ଧନ୍ୟବାଦ ଜଣାଇଥିଲେ ଏବଂ ଏହିପରି ଉଭୟଙ୍କ ମଧ୍ୟରେ ବାର୍ତ୍ତାଳାପ ଆରମ୍ଭ ହୋଇଥିଲା।
Powered by Froala Editor