୫ ମନ୍ଦିରରେ କଳାକନା ବୁଲାଇଲେ ଚୋର
କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ଅନ୍ତର୍ଗତ ରାଇତଳା ଓ ବେଲସୁନ୍ଦରି ଗାଁରୁ ଗତକାଲି ରାତିରେ ୫ଟି ମନ୍ଦିର ସମେତ ଚାରୋଟି ଦୋକାନରୁ ଚୋରି ହୋଇଛି। ମନ୍ଦିର ରୁ ଠାକୁରଙ୍କ ବିଭିନ୍ନ ସାମଗ୍ରୀ ସମେତ ହୁଣ୍ଡି ଦାନବାକ୍ସ ଏବଂ ସମସ୍ତ ଦୋକାନ ଗୁଡିକରୁ ଜିନିଷ ସହ ଟଙ୍କା ଚୋରି ହୋଇଥିବା ଥାନାରେ ଅଭିଯୋଗ ହୋଇଛି।
ଗତକାଲି ରାତି ରେ ରାଇତଳା ଗ୍ରାମର ଶିବ ମନ୍ଦିର, ଗଣେଶ ମନ୍ଦିର ସହ ଗ୍ରାମର ଅମର ବୋଇତେଇ ଦେଇଥିବା ଗ୍ରୋସରୀ ଦୋକାନ ରୁ ଚୋରି ହୋଇଥିବା ସକାଳୁ ଦେଖିବାକୁ ମିଳିଥିଲା। ସେହିପରି ବେଲସୁନ୍ଦରୀ ଗ୍ରାମର ଶିବମନ୍ଦିର , ତାରିଣୀ ମନ୍ଦିର, ଶନି ମନ୍ଦିର ସହ ଗ୍ରାମର ଇଶ୍ଵର ଚନ୍ଦ୍ର ସାହୁ ଙ୍କ ପାନ ଦୋକାନ, କ୍ଷେତ୍ରବାସୀ ମଲ୍ଲିକ ଙ୍କ ମିଠା ଦୋକାନ, ରବିନ୍ଦ୍ର ସାହୁ ଙ୍କ ଚା ଦୋକାନ ରୁ ବିଭିନ୍ନ ସାମଗ୍ରୀ ସହ ଟଙ୍କା ଚୋରି ହୋଇଥିଲା। ସ୍ଥାନୀୟ ଅଞ୍ଚଳରେ ଦିନକୁ ଦିନ ଚୋରି ବଢୁଥିବା ବେଳେ ପୋଲିସ ଏଥି ପ୍ରତି ଦୃଷ୍ଟି ଦେବାକୁ ଲୋକେ ଦାବି ରଖିଛନ୍ତି।
Powered by Froala Editor
