ଶ୍ରୀଲଙ୍କା ଗୁରୁତର ଆର୍ଥିକ ସଂକଟରେ ପ୍ରଧାନମନ୍ତ୍ରୀ ରାନିଲ ବିକ୍ରମସିଙ୍ଘେ ତାଙ୍କ ପଦରୁ ଇସ୍ତଫା ଦେଇଛନ୍ତି । ଶ୍ରୀଲଙ୍କା ରାଷ୍ଟ୍ରପତି ଦେଶ ଛାଡ଼ି ପଳାଇବା ପରେ ପ୍ରଧାନମନ୍ତ୍ରୀ ଇସ୍ତଫା ଦେଇଛନ୍ତି। ଦେଶର ନାଗରିକଙ୍କ ସୁରକ୍ଷା ଓ ହିତ ପାଇଁ ଦଳୀୟ ନେତାଙ୍କ ପ୍ରସ୍ତାବରେକୁ ମୁଁ ମାନିବାକୁ ରାଜି ବୋଲି ଶ୍ରଲଙ୍କା ପ୍ରଧାନମନ୍ତ୍ରୀ ରାନିଲ ବିକ୍ରମସିଂଘେ କହିଛନ୍ତି।

ଆର୍ଥିକ ସଂକଟ ଯୋଗୁ ଦରଦାମ ବୃଦ୍ଧିରେ ଦେଶବ୍ୟାପୀ ବିକ୍ଷୋଭ ପ୍ରଦର୍ଶନ ଜାରି ରହିଛି । ଉତ୍ତ୍ୟକ୍ତ ଜନତା ବିଭିନ୍ନ ସ୍ଥାନରେ ଭିକ୍ଷୋଭ ସାଙ୍ଗକୁ ଜଳାପୋଡ଼ା ଚଳାଇଛନ୍ତି। ଶନିବାର ମଧ୍ୟାହ୍ନରେ ଅଚାନକ ଶହଶହ ଲୋକ ରାଷ୍ଟ୍ରପତି ଭବନକୁ ଧସାଇ ପଶିବା ସହ ପୁରା ଅଞ୍ଚଳକୁ ନିଜ କବଜାକୁ ନେଇଯାଇଛନ୍ତି। ତେବେ ଲୋକେ ରାଷ୍ଟ୍ରପତି ଭବନକୁ ପଶିବା ପୂର୍ବରୁ ରାଷ୍ଟ୍ରପତି ଗୋଟବୟା ରାଜପକ୍ଷେ କେଉଁଆଡେ ଫେରାର ହୋଇଯାଇଛନ୍ତି। ନୂଆ ତଥ୍ୟ ଅନୁଯାୟୀ ଶ୍ରୀଲଙ୍କାରେ ସର୍ବଦଳୀୟ ସରକାର ପାଇଁ ପ୍ରସ୍ତାବ ଆସିଛି।

ଶ୍ରୀଲଙ୍କା ଇତିହାସର ସବୁଠାରୁ ଦୟନୀୟ ପରିସ୍ଥିତି ଦେଇ ଗତି କରୁଛି । କିଛିଦିନ ପୂର୍ବରୁ ମହିନ୍ଦା ରାଜପକ୍ଷେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବାପରେ ରନିଲ ବିକ୍ରମସିଙ୍ଘେ ନୂତନ ପ୍ରଧାନମନ୍ତ୍ରୀ ଭାବେ ଶପଥ ନେଇଥିଲେ । ତଥାପି ସ୍ଥିତି ସୁଧୁରିନାହିଁ। ରାଷ୍ଟ୍ରପତି ଦେଶ ଛାଡିଥିବା ବେଳେ ପ୍ରଧାନମନ୍ତ୍ରୀ ରାନିଲ ବିକ୍ରମସିଙ୍ଘେ ଇସ୍ତଫା ଦେଇଛନ୍ତି । ରାଷ୍ଟ୍ରପତି ପରିବାର ସହ ଶ୍ରୀଲଙ୍କା ଛାଡି ଫେରାର ହୋଇଯାଇଥିବା କୁହାଯାଉଛି। ରାଷ୍ଟ୍ରପତିଙ୍କ ପରିବାର ଦେଶରୁ ଫେରାର ହେଉଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ବନ୍ଦର ରାସ୍ତାରେ ଗୋଟାବାୟା ରାଜପକ୍ଷେ ଓ ତାଙ୍କ ପରିବାର ଦେଶ ଛାଡି ଚାଲି ଯାଉଥିବା ଭିଡିଓରେ କୁହାଯାଉଛି।

Powered by Froala Editor