ମହାରାଷ୍ଟ୍ର ଅନ୍ତର୍ଗତ ଜଲଗାଓଁ ଜିଲ୍ଲାର ନଶିରାବାଦ ଠାରେ ଗୋଟିଏ ଫ୍ଲାଏଓଭର୍‌ରେ ମର୍ମନ୍ତୁଦ ଦୁର୍ଘଟଣା ଘଟି ୪ ଜଣଙ୍କ ଜୀବନ ଯାଇଛି । ଦୁଇଟି ପିକଅପ୍‌ ଭ୍ୟାନର ଛାତ ଉପରେ ବସି ଯାଉଥିବା ୪ ଜଣ ଲୋକ ଫ୍ଲାଏଓଭର୍‌ରୁ ସିଧା ୪୦ ଫୁଟ ତଳକୁ ଖସି ପଡ଼ିଥିଲେ। ଫଳରେ ଘଟଣା ସ୍ଥଳରେ ସେମାନଙ୍କ ଜୀବନ ଚାଲି ଯାଇଛି। ଏହି ଲୋକମାନେ ବସିଥିବା ୨ଟି ପିକ୍‌ଭ୍ୟାନକୁ ସାମ୍ନାରୁ ଆସୁଥିବା ଗୋଟିଏ ଟ୍ରକ୍‌ ଧକ୍କା ଦେବାକୁ ଏପରି ଘଟଣା ଘଟିଛି। ଦୁର୍ଘଟଣାରେ ଆଉ ୧୧ ଜଣ ଲୋକ ସାମାନ୍ୟ ଆହତ ହୋଇଛନ୍ତି। ସେମାନଙ୍କୁ ନଶିରାବାଦ ଓ ଜଲଗାଓଁ ସିଭିଲ ହସ୍ପିଟାଲରେ ଭର୍ତ୍ତି କରାଯାଇଛି।

ବୁଧବାର ସକାଳ ପ୍ରାୟ ୬.୪୫ରେ ମହାରାଷ୍ଟ୍ର ଅନ୍ତର୍ଗତ ଜଲଗାଓଁ ଜିଲ୍ଲାର ନଶିରାବାଦ ଠାରେ ଗୋଟିଏ ଦ୍ରୁତଗାମୀ ଟ୍ରକ୍ ହଠାତ୍ ସାମ୍ନାରୁ ଆସୁଥିବା ଦୁଇଟି ଯାକ ପିକ୍ଅପ ଭ୍ୟାନକୁ ଧକ୍କା ଦେଇଥିଲେ। ଟ୍ରକ୍‌ ଧକ୍କା ଦେବାରୁ ପିକ୍‌ ଭ୍ୟାନ୍‌ର ଛାତ ଉପରେ ବସିଥିବା ୪ ଜଣ ଲୋକ ସିଧା ଫ୍ଲାଏଓଭର୍‌ରୁ ୪୦ ଫୁଟ ତଳକୁ ଖସି ପଡ଼ିଥିଲେ। ଦୁର୍ଘଟଣା ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ହିଁ ୪ ଜଣଙ୍କ ଜୀବନ ଯାଇଥିଲା। ପୁଲିସ୍‌ ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରିବା ସହ ଟ୍ରକ ଡ୍ରାଇଭରଙ୍କ ବିରୋଧରେ ମାମଲା ରୁଜୁ ପାଇଁ ପ୍ରକ୍ରିୟା ଆରମ୍ଭ କରିଥିବା ସେ କହିଛନ୍ତି।

ନଶିରାବାଦ ପୁଲିସ୍‌ ଷ୍ଟେସନର ଏପିଆଇ ଅନୀଲ ମୋରେ କହିଛନ୍ତି, ନଶିରାବାଦର ରେଳବାଇ ଫ୍ଲାଏଓଭର୍‌ରେ ଏହି ଦୁର୍ଘଟଣା ଘଟିଛି। ଦୁଇଟି ପିକଅପ ଭ୍ୟାନ୍‌ରେ ପ୍ରାୟ ୧୫ ଜଣ ଲୋକ ଫୈଜପୁରର ସଭଦାରେ ଥିବା ଗୋଟିଏ ମାର୍କେଟକୁ ଛେଳି ବିକ୍ରି କରିବାକୁ ଯାଉଥିଲେ। ଏମାନଙ୍କ ମଧ୍ୟରୁ କିଛି ଲୋକ ପିକ ଭ୍ୟାନର କ୍ୟାବିନେରେ ବସିଥିବା ବେଳେ ୪ ଜଣ ଛାତ ଉପରେ ବସିଥିଲେ।

Powered by Froala Editor