ନୂଆଦିଲ୍ଲୀ : ଦେଶରେ କରୋନାରେ ୪୧୮୭ ଜଣଙ୍କର ମୃତୁ୍ୟ ଘଟିଛି  । ଦୈନିକ କରୋନା ମୃତୁ୍ୟରେ ଏହା ଏକ ରେକଡର଼୍ ସୃଷ୍ଟି କରିଛି  । ଫଳରେ କରୋନା ଜନିତ ମୃତୁ୍ୟ ସଂଖ୍ୟା ୨ ଲକ୍ଷ ୩୮ ହଜାର ୨୭୦ରେ ପହଁଚିଛି  ।

ପ୍ରଥମ ଲହର ଅପେକ୍ଷା ଦ୍ୱିତୀୟ ଲହର ଅତ୍ୟନ୍ତ ସାଂଘାତିକ ହେବାରେ ଲାଗିଛି  । ଦ୍ୱିତୀୟ ଲହରରେ ବହୁ ଲୋକଙ୍କ ମୃତୁ୍ୟ ଘଟୁଛି  । ଆକ୍ରାନ୍ତମାନେ ହଠାତ ଗୁରୁତର ହୋଇପଡୁଥିବାରୁ ଲୋକଙ୍କ ମଧ୍ୟରେ କୋକୁଆ ଭୟ ଖେଳିଯାଇଛି  । ତେବେ ଆଉ କିଛିଦିନ ଭିତରେ କରୋନା ସଂକ୍ରମଣ ପିକ୍ ସ୍ତରରେ ପହଁଚିବ  । ମାସ ଶେଷବେଳକୁ କରୋନା ଆକ୍ରାନ୍ତଙ୍କ ସଂଖ୍ୟା ଧିରେଧିରେ ହ୍ରାସ ପାଇବ ବୋଲି ଆକଳନ କରାଯାଇଛି  ।

ସୂଚନାଯୋଗ୍ୟଯେ, ଗତ ସପ୍ତାହେ ମଧ୍ୟରେ ଦେଶର ୨୪ ରାଜ୍ୟରେ ସଂକ୍ରମଣ ହାର ୧୫% ରହିଛି  ।  ଗତ ଦୁଇ ସପ୍ତାହ ଧରି ସାରା ଦେଶରେ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି  । ଯାହାକି ଉଦବେଗଜନକ ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି  ।

ମହାରାଷ୍ଟ୍ର, ଉତରପ୍ରଦେଶ, ଦିଲ୍ଲୀ, ରାଜସ୍ଥାନ, ଛତିଶଗଡ, ଗୁଜୁରାଟ, ମଧ୍ୟପ୍ରଦେଶ, ତେଲେଙ୍ଗାନା ଓ ଝାରଖଣ୍ଡରେ ଦୈନିକ ସଂକ୍ରମଣ ହାର ସମାନ୍ତରାଳ ସ୍ଥିତିରେ ରହିଛି  । ସେହିପରି ୧୨ ରାଜ୍ୟରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୧ ଲକ୍ଷ ଉପରେ ରହିଥିବାବେଳେ ୭ ରାଜ୍ୟରେ ତାହା ୫୦ ହଜାରରୁ ୧ ଲକ୍ଷ ମଧ୍ୟରେ ରହିଛି  ।

Powered by Froala Editor