ଭୁବନେଶ୍ୱର: ଆଜି କେରଳ  ଛୁଇଁଛି ମୌସୁମୀ । ଆଜି ଦକ୍ଷିଣ ପଶ୍ଚିମ ମୌସୁମୀ ବାୟୁ କେରଳ ଛୁଇଁଛି ବୋଲି ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି । ନିର୍ଦ୍ଧାରିତ ସମୟର ୩ଦିନ ପୂର୍ବରୁ ମୌସୁମୀ ବାୟୁ କେରଳ ଛୁଇଁଛି ।

ଜୁନ୍ ୧୦ ପୂର୍ବରୁ ମୌସୁମୀ ଓଡିଶା ମାଟି ବି ମାଡିବାର ସମ୍ଭାବନା କ୍ଷୀଣ  । ପୂର୍ବରୁ ଆକଳନ କରାଯାଉଥିଲା, ଜୁନ୍ ପ୍ରଥମ ସପ୍ତାହରେ ହିଁ ମୌସୁମୀ ଓଡିଶା ଛୁଇଁପାରେ ।ଆଜି କେରଳ ମୌସୁମୀ ଛୁଇଁଥିବାରୁ ଏହାର ପ୍ରଭାବରେ କେରଳରେ ବର୍ଷା ଆରମ୍ଭ ହୋଇଯାଇଛି । 

ସାଧାରଣତଃ ଜୁନ ପହିଲାରେ ମୌସୁମୀ ଭାରତରେ ପହଁଚିଥାଏ  । କିନ୍ତୁ ଚଳିତ ବର୍ଷ ମେ’ ୨୭ରେ କେରଳ ଛୁଇଁବ ବୋଲି ଅନୁମାନ କରାଯାଉଥିଲା  । ମେ’ ୧୩ରେ ଭାରତୀୟ ପାଣିପାଗ ବିଭାଗ ପକ୍ଷରୁ ଏଭଳି ପ୍ରାକ ଆକଳନ କରାଯାଇଥିଲା  । ତେବେ ମୌସୁମୀ ଆଗମନ ନେଇ ଅନକୂଳ ପରିବେଶ ସୃଷ୍ଟି ହେଉନଥିବାରୁ ଏହା ବିଳମ୍ବ ହେବବୋଲି କୁହାଯାଇଥିଲା  । ନିର୍ଦ୍ଧାରିତ ସମୟ ପୂର୍ବରୁ ଆଜି ମୌସୁମୀ ପହଁଚିଛି ବୋଲି ଆଇଏମଡ଼ି ପକ୍ଷରୁ ଟ୍ୱିଟ କରି ସୂଚନା ଦିଆଯାଇଛି  । ଏବେ କେରଳର କିଛି ଅଂଚଳରେ ମୌସୁମୀ ବର୍ଷା ଆରମ୍ଭ ହୋଇଯାଇଛି  । 

ଏଥର ରାଜ୍ୟରେ ମୌସୁମୀ ବର୍ଷା ନିରାଶ କରିପାରେ । ବର୍ଷା ସ୍ୱାଭାବିକ ହେବ ବୋଲି ଯେଉଁ ଆଶା ଥିଲା ତାହା ହେବନି । ସ୍ୱାଭାବିକଠାରୁ କମ୍‌ ବର୍ଷା ହେବ । ମୌସୁମୀ ବର୍ଷା ପ୍ରାୟ ୪୦% କମିଯିବ । ଜୁନ୍‌, ଜୁଲାଇ ଓ ଅଗଷ୍ଟରେ ବର୍ଷା ପରିମାଣ କମିଯିବ । ବଙ୍ଗୋପସାଗରରେ ଲଘୁଚାପ ଜନିତ ବର୍ଷା ସମ୍ଭାବନା କମ୍‌ । ବିଶିଷ୍ଟ ପାଣିପାଗ ବିଶେଷଜ୍ଞ  ଏହି ପୂର୍ବାନୁମାନ କରିଛନ୍ତି । ଆକଳନ କହୁଛି, ଜୁନ୍‌ରୁ ସେପ୍ଟେମ୍ବର ଭିତରେ ମୌସୁମୀ ବର୍ଷା ସ୍ୱାଭାବିକଠାରୁ କମ୍‌ ରହିବ ।

Powered by Froala Editor