ଯମୁନା ଏକ୍ସପ୍ରେସ ୱେରେ ଭୟଙ୍କର ଦୁର୍ଘଟଣା, ୫ ଜଣଙ୍କ ମୃତ୍ୟୁ
ଯମୁନା ଏକ୍ସପ୍ରେସ ୱେରେ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏଥିରେ ୫ ଜଣଙ୍କ ଜୀବନ ଯାଇଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି। ମୃତଙ୍କ ମଧ୍ୟରେ ୪ ଜଣ ମହିଳା ଓ ଜଣେ ପୁରୁଷ ରହିଛନ୍ତି। ସେହିପରି ଆହତ ୨ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ଗ୍ରେଟର ନୋଏଡାର ଜେବର ଥାନା ଅଧୀନରେ ଥିବା ଯମୁନା ଏକ୍ସପ୍ରେସରେ ଏପରି ଭୟଙ୍କର ଘଟଣା ଘଟିଛି।
ସୂଚନା ଯୋଗ୍ୟ, ମୃତାହତମାନେ ଦୁଇଟି ପରିବାରର ସଦସ୍ୟ। ଏମାନେ ପୁଣେ ଓ କର୍ଣ୍ଣାଟକାରରେ ରୁହନ୍ତି। କୌଣସି କାମରେ ଆଜି ଭୋରରୁ ସମସ୍ତେ ଗୋଟିଏ ବେଲେରୋ ଯୋଗେ ଆଗ୍ରାରୁ ନୋଏଡାକୁ ଯାଉଥିଲେ। ବୋଲେରୋଟି ଟୋଲ୍ ଗେଟ୍ ରୁ କିଛି ବାଟ ଆଗକୁ ଯାଇ ଡମ୍ଫର ସହ ଧକ୍କା ହୋଇଥିଲା। ଫଳରେ ବୋଲେରୋରେ ଥିବା ୭ ଜଣଙ୍କ ମଧ୍ୟରୁ ୫ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଆହତ ହୋଇଥିଲେ। ଦୁର୍ଘଟଣା ପରେ ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ସଭିଁଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ। ସେମାନଙ୍କ ମଧ୍ୟରୁ ୫ ଜଣଙ୍କୁ ଡାକ୍ତର ମୃତ ଘୋଷଣା କରିଥିଲେ। ଆହତଙ୍କ ଚିକିତ୍ସା କରାଯାଉଛି। ପୁଲିସ ଘଟଣାର ତଦନ୍ତ ଜାରି ରଖିଛି।
Powered by Froala Editor
