ନୂଆଦିଲ୍ଲୀ: ବିଶ୍ୱର ସବୁଠୁ ବଡ ଗହମ ଗ୍ରାହକ ଦେଶ ଇଜିପ୍ଟକୁ ଭାରତ ଏହାର ଗହମ ପଠାଇବ । ଆମଦାନିକାରୀ ଭାବେ ଭାରତକୁ ଇଜିପ୍ଟ ଅନୁମୋଦନ ପ୍ରଦାନ କରିଛି । ଆଜି କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରୀ ପୀୟୁଷ ଗୋୟଲ ଏହି ସୂଚନା ଦେଇଛନ୍ତି । ଇଜିପ୍ଟ ମୁଖ୍ୟତଃ ୟୁକ୍ରେନ ଓ ଋଷରୁ ଗହମ ମଗାଉଥିଲା । ଏହି ଦୁଇ ଦେଶ ମଧ୍ୟରେ ଯୁଦ୍ଧ ଚାଲିଥିବାରୁ ବାଣିଜ୍ୟ କାରବାର ଗୁରୁତର ଭାବେ ପ୍ରଭାବିତ ହୋଇଛି । ସେଥିପାଇଁ ଅନ୍ୟ ଦେଶରୁ ଗହମ କିଣିବା ଉପରେ ଇଜିପ୍ଟ ଗୁରୁତ୍ୱ ଦେଇଥିଲା । ସୁଯୋଗକୁ ହାତଛଡା ନକରି ଭାରତ ତୁରନ୍ତ ଏହାର ଗହମ ପଠାଇବାର ପ୍ରସ୍ତାବ ଦେଇଥିଲା ଓ ସେହି ପ୍ରସ୍ତାବକୁ ଇଜିପ୍ଟ ଗ୍ରହଣ କରିଛି ।

୨୦୨୦ରେ ଋଷରୁ ୧୮୦ କୋଟି ଡଲାର ମୂଲ୍ୟର ଗହମ କିଣିଥଲା ଇଜିପ୍ଟ । ଏବେ ଏହା ଭାରତରୁ ୧ ନିୟୁତ ଟନ୍ ଗହମ କିଣିବାକୁ ଲକ୍ଷ୍ୟ ରଖିଛି । ଏପ୍ରିଲ୍ ମାସରେ ଭାରତ ୨୪ହଜାର ଟନ୍ ଗହମ ଏହି ଆଫ୍ରିକୀୟ ରାଷ୍ଟ୍ରକୁ ପଠାଇବ । ଆଜି ଏକ ଟୁଇଟରେ ମନ୍ତ୍ରୀ ଶ୍ରୀ ଗୋଏଲ ଲେଖିଛନ୍ତି ଯେ, ସାରା ବିଶ୍ୱକୁ ଖାଦ୍ୟ ଖୁଆଉଛନ୍ତି ଭାରତୀୟ ଚାଷୀ । ଭାରତକୁ ଗହମ ଆମଦାନିକାରୀ ଭାବେ ଇଜିପ୍ଟ ଅନୁମୋଦନ ଦେଇଛି । ସାରା ବିଶ୍ୱ ଖାଦ୍ୟ ଯୋଗାଣର ଏକ ବିକଳ୍ପ ଭରସାଯୋଗ୍ୟ ଉସôରୁ ସନ୍ଧାନରେ ଥିବା ବେଳେ  ମୋଦୀ ସରକାର ହସ୍ତକ୍ଷେପ କରିଥିଲେ । ଆମ ଚାଷୀମାନେ ଉପôାଦନକୁ ପର୍ଯ୍ୟାପ୍ତ କରିବା ନିଶ୍ଚିନ୍ତ କରିଛନ୍ତି ଏବଂ ସାରା ଦୁନିଆର ଆବା୍ୟକତା ପୂରଣ କରିବାକୁ ଆମେ ପ୍ରସ୍ତୁତ ବୋଲି ସେ ଲେଖିଛନ୍ତି । 

୨୦୨୧-୨୨ ଆର୍ଥିକ ବର୍ଷର ଏପ୍ରିଲ-ଜାନୁଆରିରେ ଭାରତ ୧୭୪ କୋଟି ଡଲାର ମୂଲ୍ୟର ଗହମ ରପ୍ତାନି କରିଛି ଯାହା ପୂର୍ବବର୍ଷର ସେହି ସମୟ ତୁଳନାରେ ଯଥେଷ୍ଟେ ଅଧିକ । ୨୦୧୯-୨୦ରେ ଭାରତ ୬.୧କୋଟି ହଲାର ମୂଲ୍ୟର ଗହମ ରପ୍ତାନୀ କରିଥିଲା । ଭାରତ ମୁଖ୍ୟତଃ ଏହାର ଗହମଗୁଡିକୁ ବାଲାଂଦେଶକୁ ବିକ୍ରି କରିଥାଏ । ନିକଟରେ ଏହା ୟେମେନ୍, ଆଫଗାନିସ୍ତାନ, କତାର ଓ ଇଣ୍ଡୋନେସିଆକୁ ଗହମ ମଗାଉଥିବା ଅନ୍ୟ ଦେଶଗୁଡିକ ମଧ୍ୟରେ ରହିଛନ୍ତି ନେପାଳ, ୟୁଏଇ, ଶ୍ରୀଲଙ୍କା, ଓମାନ ଓ ମାଲେସିଆ ଭଳି ଦେଶ । ବିଶ୍ୱ ଗହମ ରପ୍ତାନି ବଜାରରେ ଭାରତର ଭାଗ ୧ ପ୍ରତିଶତରୁ କମ୍ ରହିଛି । ୨୦୧୬ରେ ଏହି ହାର ୦.୧୪% ଥିବାବେଳେ ୨୦୨୦ ସୁଦ୍ଧା ତାହା ୦.୫୪% ପହଞ୍ଚିଥିଲା । ଭାରତ ହେଉଛି ବିଶ୍ୱର ଦ୍ୱିତୀୟ ବୃହତ ଗହମ ଉପôାଦନକାରୀ । ଭାରତରେ ବର୍ଷକୁ ୧୦୭.୫୯ ନିୟୁତ ଟନ୍ ଗହମ ଉପôାଦନ ହେଉଛି । 

Powered by Froala Editor