ସାଉଥ ଫିଲ୍ମ ଇଣ୍ଡଷ୍ଟ୍ରିର ହିରୋଇନ ରାଶି ଖନ୍ନାଙ୍କ ନାଁରେ ଆସିଛି ଅଭିଯୋଗ। ସେ ସାଉଥ ଫିଲ୍ମ ଇଣ୍ଡଷ୍ଟ୍ରିର ନାଁ ଖରାପ କରୁଥିବା ନେଇ ଅଭିଯୋଗ ହୋଇଛି। କିଛି ଦିନ ତଳେ ସେ ବଲିଉଡ ଓ ସାଉଥ ଇଣ୍ଡଷ୍ଟ୍ରି ମଧ୍ୟରେ ଥିବା ଫରକ୍‌କୁ ନେଇ ନିଜ ଅଭିଜ୍ଞତା କହିଥିଲେ। ସେ ସାକ୍ଷାତକାର୍‌ରେ କହିଥିଲେ, ବଲିଉଡ ଠାରୁ ପୂରାପୁରି ଭିନ୍ନ ସାଉଥ ଇଣ୍ଡଷ୍ଟ୍ରି। ୱେବସିରିଜ ‘ରୁଦ୍ର’ରେ ତାଙ୍କ ଯେଉଁ ଚରିତ୍ର ମିଳିଛି ତାହା ଭିନ୍ନ। ପ୍ରଥମ ଥର ଏଭଳି ଚରିତ୍ରରେ ଅଭିନୟ କରିବା ପାଇଁ ସେ ସୁଯୋଗ ପାଇଥିବା କହିଥିଲେ। ଏଥିସହ ରାଶି କହିଥିଲେ,‘ସାଉଥ ଇଣ୍ଡଷ୍ଟ୍ରିରେ ମହିଳାମାନଙ୍କ କୌଣସି ଅସ୍ତିତ୍ୱ ନାହିଁ। ତାଙ୍କୁ ସମ୍ମାନ ମିଳୁନି।’ ଅଭିନେତ୍ରୀଙ୍କ ଏହି ବୟାନକୁ ନେଇ ଏବେ ବିବାଦ ଉପୁଜିଛି। ସେ ସାଉଥ ଇଣ୍ଡଷ୍ଟ୍ରିକୁ ବଦନାମ କରିବା ସହ ତା’ ଛବିକୁ ବିଗାଡୁଥିବା ନେଇ ତାଙ୍କ ନାଁରେ ଅଭିଯୋଗ ହୋଇଛି।

ଏପଟେ ଅଭିଯୋଗକୁ ଖଣ୍ଡନ କରିଛନ୍ତି ରାଶି। ସେ ଟ୍ୱିଟ୍‌ କରି କହିଛନ୍ତି, ‘ସାଉଥ ଫିଲ୍ମକୁ ନେଇ ମୋ ବିଷୟରେ ମନଗଢ଼ା କଥା ଓ ଭୁଲ୍‌ ତଥ୍ୟ ସୋସିଆଲ ମିଡିଆରେ ପ୍ରସାରିତ କରାଯାଉଛି। ଯେଉଁମାନେ ଏଭଳି କରୁଛନ୍ତି ଦୟାକରି ଏଭଳି କରିବା ବନ୍ଦ କରିଦିଅନ୍ତୁ। ମୁଁ ଯେଉଁ ଭାଷାରେ ବି ଫିଲ୍ମ କରେ, ତାକୁ ବେଶ ସମ୍ମାନ କରେ।’

ସୂଚନାଯୋଗ୍ୟ ଯେ, ରାଶି ଖନ୍ନା ଅଜୟ ଦେବଗନଙ୍କ ୱେବସିରିଜ ‘ରୁଦ୍ର’ରୁ ବଲିଉଡରେ ପୁଣି ଥରେ ଏଣ୍ଟ୍ରି କରିଛନ୍ତି। ତାଙ୍କ ନାଁରେ ଆସିଛି ଅଭିଯୋଗ। ଏବଂ ଏଣ୍ଟ୍ରି କରିବା ପରେ ବିବାଦରେ ଫସିଛନ୍ତି ।

Powered by Froala Editor