ଏସିଆର ପ୍ରଥମ : ଏଚ୍ଆଇଭି ପିଲାଙ୍କ ପାଇଁ କୋଲକାତାରେ ଖୋଲିଲା ‘କାଫେ ପଜିଟିଭ’
କୋଲକାତାରେ ଖୋଲିଛି ଏସିଆର ପ୍ରଥମ ‘କାଫେ ପଜିଟିଭ’ । ଏହାର ନାଁ ଯେମିତି ଅଲଗା ସେପରି ଏଠାକାର କର୍ମଚାରୀ ବି ଅଲଗା । କାରଣ ଏଠାରେ କେବଳ ଏଚ୍ଆଇଭି ପଜିଟିଭ ଲୋକ ହିଁ କାମ କରୁଛନ୍ତି । ଏହି କାଫେ ୭ ଜଣ ଯୁବକଙ୍କୁ ନେଇ ଗଠିତ, ଏହି ସମସ୍ତ ଯୁବକ ଏଚ.ଆଇ.ଭି ପଜିଟିଭ। ଏହାର ଉଦ୍ଦେଶ୍ୟ ହେଉଛି ସଚେତନତା ବିସ୍ତାର କରିବା ଏବଂ ଏଚ.ଆଇ.ଭି ପଜିଟିଭ ଲୋକଙ୍କ ପାଇଁ ରୋଜଗାର ସୃଷ୍ଟି କରିବା।
କାଫେ ମାଲିକ କାଲୋଲ ଘୋଷ ଆନନ୍ଦଧର ନାମକ ଏକ ଏନଜିଓ ସ୍ଥାପନ କରିଛନ୍ତି। ଏହି ଏନଜିଓ ମାନସିକ ସ୍ବାସ୍ଥ୍ୟ ଏବଂ ଏଚଆଇଭି ପଜିଟିଭ୍ ଲୋକଙ୍କ ପାଇଁ କାମ କରେ। ସେ ଫ୍ରାଙ୍କଫର୍ଟ ନାମକ ଏକ କ୍ୟାଫେ ଦ୍ୱାରା ଅନୁପ୍ରାଣିତ ହୋଇ ଏହି କାଫେ ଆରମ୍ଭ କରିଥିଲେ। କାଲୋଲ କହିଛନ୍ତି, କାଫେର ମୂଳ ଉଦ୍ଦେଶ୍ୟ କେବଳ ଏଚଆଇଭି ସଂକ୍ରମିତ ଲୋକଙ୍କ ବିଷୟରେ ସଚେତନତା ନୁହେଁ ବରଂ ଲୋକଙ୍କୁ ରୋଜଗାର ଯୋଗାଇବା ମଧ୍ୟ। ଏଚ୍ଆଇଭି ସଂକ୍ରମିତ ପିଲାମାନେ କୁଆଡେ ଯିବେ? ସେମାନଙ୍କୁ ଚାକିରି ଦରକାର।
'କାଫେ ପଜିଟିଭ'କୁ ଆସିବାକୁ କିଛି ଲୋକ ଅସହଜ ହୁଅନ୍ତି। ଯଦି ସେମାନେ ଆସି କର୍ମଚାରୀମାନେ ଏଚଆଇଭି ପଜିଟିଭ ବୋଲି ଜାଣନ୍ତି, ତେବେ ଆମେ ସେମାନଙ୍କୁ ସବୁକିଛି ବୁଝାଇଥାଉ ଅଧିକାଂଶ ଲୋକ ଫେରି ଯାଆନ୍ତି। ଏବଂ ଆଉ କିଛି ଲୋକ ରୁହନ୍ତି।
Powered by Froala Editor
