ମଥାରେ ତିଳକ ଲଗାଇ ଆସିଥିବାରୁ ଜଣେ ହିନ୍ଦୁ ଛାତ୍ରୀଙ୍କୁ ତାଙ୍କ ଶିକ୍ଷକ ନିର୍ଦ୍ଧୁମ ପିଟିଛନ୍ତି। ଜାମ୍ମୁ-କାଶ୍ମୀର ରାଜୌରୀ ଜିଲ୍ଲାରେ ଏଭଳି ଘଟଣା ଘଟିଛି। ଛାତ୍ରୀଙ୍କୁ ମାଡ଼ ମାରିଥିବା ଶିକ୍ଷକ ହେଲେ ନିଶାର ଅହମଦ। ଏହି ଘଟଣା ସାମ୍ନାକୁ ଆସିବା ପରେ ରାଜୌରି ଜିଲ୍ଲା ଡେପୁଟି କମିଶନରଙ୍କ ନିର୍ଦ୍ଦେଶରେ ନିଶାଦଙ୍କୁ ନିଲମ୍ବନ କରାଯାଇଛି।

ନିଲମ୍ବନ ଅର୍ଡରରେ କୁହାଯାଇଛି ଯେ, ମିଡିଲ ସ୍କୁଲ୍ ଖଦୁରିଆ ପଞ୍ଚାୟତ ଡ୍ରମ୍ମାନରେ ଛାତ୍ରୀଙ୍କୁ ମାଡ଼ ମାରିବା ଘଟଣା ସୋସିଆଲ୍ ମିଡିଆରେ ଖବର ମିଳିଥିଲା। ଛୋଟ ପିଲାକୁ ଆଘାତ ଦେବା ଏକ ଦଣ୍ଡନୀୟ ଅପରାଧ ହୋଇଥିବାରୁ ବ୍ୟକ୍ତିଙ୍କ ବିରୋଧରେ ଆଇପିସି ଧାରା ୩୨୩,୩୨୫,୩୫୨ ଏବଂ ୫୦୬ ଲଗାଯାଇପାରିବ। ତା ସହିତ ଜୁଭେନାଇଲ ଜଷ୍ଟିସ୍ର ଧାରା ୨୩(ପିଲାର ସୁରକ୍ଷା ଓ ଯତ୍ନ ନେବା) ଆକ୍ଟ ୨୦୦୦ ଅନୁସାରେ ଯିଏ ବି ପିଲାଙ୍କୁ ଆଘାତ ଦେବେ ତାଙ୍କୁ ୬ ମାସ ଜେଲ୍ ଦଣ୍ଡ ସହିତ ଜରିମାନର ବ୍ୟବସ୍ଥା ବି ରହିଛି। ତେବେ ବର୍ତ୍ତମାନ ସ୍ଥିତିରେ ପରବର୍ତ୍ତି ନିର୍ଦ୍ଦେଶ ନ ଆସିବା ପର୍ଯ୍ୟନ୍ତ ଶିକ୍ଷକ ନିସାର ଅହମଦଙ୍କୁ ନିଲମ୍ବିତ କରାଯାଇଛି। ଏନେଇ ପୁଲିସକୁ ତଦନ୍ତ କରି ସବିଶେଷ ରିପୋର୍ଟ ମଗାଯାଇଛି। ପିଲାଟିକୁ କାହିଁକି ମାଡ଼ ମରାଯାଇଥିଲା ଏହି ଅଭିଯୋଗର ସତ୍ୟତା ଅଛି କି ନାହିଁ ସେନେଇ ପୁଲିସକୁ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି।

Powered by Froala Editor