ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଘର ଉପରେ କିଛି ଦୁର୍ବୃତ୍ତ ଆକ୍ରମଣ କରିଛନ୍ତି । ଏନେଇ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ ଟ୍ୱିଟ୍ ଯୋଗେ ସୂଚନା ଦେଇଛନ୍ତି । ସେ କହିଛନ୍ତି, କିଛି ଦୁର୍ବୃତ୍ତ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଘର ଉପରେ ଆକ୍ରମଣ କରିବା ସହ ସିସିଟିଭି କ୍ୟାମେରା ଓ ସୁରକ୍ଷା ବ୍ୟାରିକେଡକୁ ଭାଙ୍ଗି ଦେଇଛନ୍ତି । ଏହାସହ ଫାଟକରେ ଲାଗିଥିବା ବୁମ୍ ବ୍ୟାରିକେଡକୁ ମଧ୍ୟ ଭାଙ୍ଗି ଦେଇଛନ୍ତି । ଭାଜପା ଗୁଣ୍ଡା ଏଭଳି କରିଛନ୍ତି ବୋଲି ସିସୋଡିଆ ଅଭିଯୋଗ କରିଛନ୍ତି ।

ଏହାସହ ସେ କହିଛନ୍ତି ଯେ, ଭାଜପା ପୋଲିସ୍ ସେମାନଙ୍କୁ ଅଟକାଇବା ବଦଳରେ ଗେଟ୍ ସମ୍ମୁଖକୁ ନେଇ ଆସିଥିଲା । ସୂଚନା ଅନୁସାରେ ଭାଜପା ଯୁବ ମୋର୍ଚ୍ଚାର ପ୍ରାୟ ୧୫୦ରୁ ୨୦୦କମକର୍ତ୍ତା ଆଜି ସକାଳ ସାଢେ ୧୧ଟାରେ ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ବାସଭବନରେ ପହଞ୍ଚି ବିରୋଧ ପ୍ରଦର୍ଶନ କରିଥିଲେ । ‘ଦ କାଶ୍ମୀର ଫାଇଲସ’ ଫିଲ୍ମକୁ ନେଇ କେଜ୍ରିୱାଲ ଦେଇଥିବା ବୟାନ ଉପରେ ଏହି ପ୍ରଦର୍ଶନ କରାଯାଇଥିଲା । ତେବେ ପ୍ରାୟ ଗୋଟାଏ ସମୟରେ କିଛି ବିକ୍ଷୋଭ ପ୍ରଦର୍ଶନକାରୀ ବ୍ୟାରିକେଡ ଭଙ୍ଗାରୁଜା କରିବା ସହ ମୁଖ୍ୟମନ୍ତ୍ରୀଙ୍କ ବାସଭବନ ନିକଟରେ ପହଞ୍ଚି ଯାଇଥିଲେ । ଏହାପରେ ତାଙ୍କ ଉପରକୁ ରଙ୍ଗ ପକାଇବା ସହ ସିସିଟିଭି କ୍ୟାମେରାକୁ ମଧ୍ୟ ଭାଙ୍ଗିଦେଇଥିଲେ ।
ଘଟଣାସ୍ଥଳରେ ପୋଲିସ୍ ପହଞ୍ଚି ୭୦ଜଣଙ୍କୁ ଗିରଫ କରି କାର୍ଯ୍ୟାନୁଷ୍ଠାନ ଗ୍ରହଣ କରିଛି ବୋଲି ଉତ୍ତର ଦିଲ୍ଲୀ ଡିସିପି ସୂଚନା ଦେଇଛନ୍ତି ।  

Powered by Froala Editor