ଖୁବ୍ଶୀଘ୍ର ନେଟ୍ଫ୍ଲିକ୍ସରେ ମୁକ୍ତିଲାଭ କରିବ ‘ଥର’
ମୁମ୍ବାଇ: ଖୁବ୍ଶୀଘ୍ର ନେଟ୍ଫ୍ଲିକ୍ସରେ ମୁକ୍ତିଲାଭ କରିବ ଫିଲ୍ମ ‘ଥର’ । ଆସନ୍ତା ଗ୍ରୀଷ୍ମ ଋତୁରେ ଏହା ରିଲିଜ୍ ହୋଇପାରେ । ଏନେଇ ନେଟ୍ଫ୍ଲିକ୍ସ ପକ୍ଷରୁ ଘୋଷଣା କରାଯାଇଛି । ତେବେ ତାରିଖ କିମ୍ବା ଦିନ ବାବଦରେ ସ୍ପଷ୍ଟ କରାଯାଇନି । ପରବର୍ତ୍ତୀ ସମୟରେ ଏନେଇ ସୂଚନା ଦିଆଯିବ ବୋଲି ନେଟ୍ଫ୍ଲିକ୍ସ ପକ୍ଷରୁ କୁହାଯାଇଛି ।
ଅଶୀ ଦଶକର ଏକ ନିବନ୍ଧରେ ବର୍ଣ୍ଣିକ କାହାଣୀକୁ ନେଇ ଚଳଚ୍ଚିତ୍ରଟି ନିର୍ମାଣ କରାଯାଇଛି । ଏଥିରେ ଅନୀଲ କପୁର, ହର୍ଷବର୍ଦ୍ଧନ କପୁର ଓ ଫତିମା ସାନା ଶୈଖ୍ ଭଳି ନାମୀଦାମୀ କଳାକାର ଅଭିନୟ କରିଛନ୍ତି । ଫିଲ୍ମଟି ରିଲିଜ୍ ହେବା ପରେ ଏହା ନିଶ୍ଚିତ ଭାବେ ଦର୍ଶକଙ୍କ ହୃଦୟ ଛଇଁବ ଓ ଭଲ କାରବାର କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଆଶାବ୍ୟକ୍ତ କରାଯାଇଛି ।
ଫିଲ୍ମର ମୁଖ୍ୟ ଭୂମିକାରେ ନଜର ଆସିବେ ହର୍ଷବର୍ଦ୍ଧନ । ତାଙ୍କ ଚରିତ୍ରର ନାମ ରହିଛି ସିଦ୍ଧାର୍ଥ । ସେହିଭଳି ସତୀକ କୌଶିକ୍ଙ୍କୁ ମଧ୍ୟ ଭିନ୍ନ ଏକ ଚରିତ୍ରରେ ଦେଖିବାକୁ ପାଇବେ ଦର୍ଶକ । ତେବେ ଏହା ରିଲିଜ୍ ହେବା ପରେ ଜଣାପଡ଼ିବ ଏହା କେତେ ସଫଳ ହେଉଛି ।
ଚଳଚ୍ଚିତ୍ରର ନିର୍ଦ୍ଦେଶନା ଭାର ସମ୍ଭାଳିଛନ୍ତି ରାଜ ସିଂହ ଚୌଧୁରୀ । ସେ ଏହାର କାହାଣୀ ମଧ୍ୟ ଲେଖିଛନ୍ତି । ଏଥିରେ ଚିତ୍ରୋତ୍ତୋଳନ କରିଛନ୍ତି ଶ୍ରେୟା ଦେବ ଏବଂ ସଙ୍ଗୀତ ସଂଯୋଜନା କରିଛନ୍ତି ଅଜୟ ଜୟନ୍ତୀ । ଚଳଚ୍ଚିତ୍ର ନିର୍ମାଣରେ ନେଟ୍ଫ୍ଲିକ୍ସ ସହିତ ସହଯୋଗ କରିଛି ଏକେଏଫ୍ସି ।
ଅଭିନେତା ଅନୀଲ କପୁର କହିଛନ୍ତି, ମୁଁ ଅତ୍ୟନ୍ତ ଗର୍ବିତ ଯେ ‘ଥର୍’ ସବୁଦୃଷ୍ଟିରୁ ଏକ ସ୍ବୟଂସଂପୂର୍ଣ୍ଣ ବିଷୟବସ୍ତୁ । ରାଜସ୍ଥାନରେ ସୁଟିଂ ହେଇଥିବା ଏହି ପାଶ୍ଚାତ୍ୟ ବିଷୟବସ୍ତୁ ଖୁବ୍ ଚମତ୍କାର ହେଇଛି ବୋଲି ଅନୀଲ କହିଛନ୍ତି ।
Powered by Froala Editor
