ଅସୁରକ୍ଷିତ ବଳଦେବଜୀଉ ମନ୍ଦିର : ଦୁବୃର୍ତ୍ତ ନେଇଗଲେ ଚନ୍ଦନ ଗଛ
ଅସୁରକ୍ଷିତ ହୋଇପଡିଛି କେନ୍ଦୁଝରର ଶ୍ରୀ ଶ୍ରୀ ବଳଦେବଜୀଉଙ୍କ ମନ୍ଦିର । ଲୋକଙ୍କ ଦୃଷ୍ଟି ଆଢୁଆଳରେ ଦୁର୍ବୃତ୍ତମାନେ ନେଇଯାଇଛନ୍ତି ବିଶାଳ ଚନ୍ଦନ ଗଛ । ଗତକାଲି ରାତିରେ କେହି ଦୁର୍ବୃତ ମନ୍ଦିର ଭିତରେ ପଶି ଚନ୍ଦନ ଗଛକୁ କାଟି ଦୁଇଟି ଗଣ୍ଡି ଧରି ପଳାଇଛନ୍ତି । ତୃତୀୟ ଚନ୍ଦନ ଗଛଟି ନେବା ପୂର୍ବରୁ ମନ୍ଦିର ସୁରକ୍ଷା କର୍ମୀ ପହଞ୍ଚି ଯିବାରୁ ଛାଡି ପଳାଇଯାଇଛନ୍ତି ।
ଏହା ମନ୍ଦିରରୁ ପ୍ରଥମ ଚୋରୀ ନୁହେଁ ଏହା ପୂର୍ବରୁ ମଧ୍ୟ ଚନ୍ଦନ ଗଛ ଚୋର ମାନେ ଏକାଧିକବାର ଏହି ମନ୍ଦିର ପରିସରରୁ ଚୋରି କରି ନେଇଥିଲେ ସୁଦ୍ଧା ମନ୍ଦିର ପ୍ରଶାସନ ହାତ ବାନ୍ଧି ବସିଛି । ଏଠାରେ ପ୍ରଶ୍ନ ଉଠୁଛି ଯେ, ସୁରକ୍ଷା କର୍ମୀ ମନ୍ଦିରକୁ ଜଗିଥିବା ବେଳେ ଚୋର କେମିତି ବିରାଟକାୟ ମେଘନାଦ ପାଚେରୀ ଡେଇଁ ଚନ୍ଦନ ଗଛ କାଟି ନେବାରେ ସକ୍ଷମ ହେଲେ । ପୁଣି ମନ୍ଦିରରେ ସିସିଟିଭି କ୍ୟାମେରା ଲାଗିଥିଲେ ସୁଦ୍ଧା କ୍ୟାମେରାକୁ ଅଚଳ କରିଦିଆଯାଇଥିବା ବୁଦ୍ଧିଜୀବୀ ମାନେ ଅଭିଯୋଗ କରିଛନ୍ତି ।
ତେବେ କିଛି ଦିନ ପୂର୍ବରୁ ଜଣେ ମାନସିକ ଭିନ୍ନକ୍ଷମ ଯୁବକ ମନ୍ଦିର ଉପରେ ଚଢ଼ି ଯାଇଥିଲା । ସମସ୍ତେ ଥାଇ ଯୁବକ କିଭଳି ମନ୍ଦିର ଭିତରକୁ ପ୍ରବେଶ କଲେ ଓ ମନ୍ଦିର ଉପରକୁ ଚଢ଼ିଲେ ତାହା ପ୍ରଶ୍ନବାଚୀ ସୃଷ୍ଟି କରିଛି ।
Powered by Froala Editor
