ବଲିଉଡ୍ରେ ଚାଲିଛି ବିବାହ ଋତୁ, ୨୧ରେ ଶିବାନୀଙ୍କ ହାତ ଧରିବେ ଫରହାନ୍
ମୁମ୍ବାଇ: କୋଭିଡ୍ ପାଇଁ ପାଖାପାଖି ଦୁଇ ବର୍ଷ ହେଲା ସବୁକିଛି ଅଟକି ଯାଇଥିଲା । ବହୁ ସେଲିବ୍ରିଟି ସେମାନଙ୍କ ବିବାହ ସ୍ଥଗିତ କରି ଦେଇଥିଲେ । ଏବେ ସଂକ୍ରମଣ ସାମାନ୍ୟ କମିବା ପରେ ବଲିଉଡ୍ରେ ଆରମ୍ଭ ହୋଇଯାଇଛି ବିବାହ ଋତୁ । ଜଣଙ୍କ ପରେ ଜଣେ ଲଭ୍ ବାର୍ଡ ବିବାହ ବନ୍ଧନରେ ବାନ୍ଧି ହେଉଛନ୍ତି । ଏଥିରେ ସାମିଲ ହେବାକୁ ଯାଉଛନ୍ତି ଫରହାନ୍ ଅଖତର ଓ ଶିବାନୀ ଦାଣ୍ଡେକର । ଆସନ୍ତା ୨୧ରେ ସେମାନଙ୍କ ଶାହାନାଇ ବାଜିବ । ଏଥିପାଇଁ ସବୁ ପ୍ରକାର ପ୍ରସ୍ତୁତି ସରିଥିବା ଫରହାନ୍ଙ୍କ ପିତା ଜାଭେଦ୍ ଅଖତର ସୂଚନା ଦେଇଛନ୍ତି ।
ସେ କହିଛନ୍ତି, ବିବାହ ପାଇଁ ଦୁଇ ପରିବାର ଭିତରେ ନିଷ୍ପତ୍ତି ହୋଇସାରିଛି । ଶିବାନୀ ଜଣେ ଭଲ ଝିଅ । ଫରହାନ୍ ସହିତ ଶିବାନୀଙ୍କ ସମ୍ପର୍କ ପାଖାପାଖି ୪ ବର୍ଷ ହେଲା ରହିଥିଲା । ଉଭୟ ପରସ୍ପରକୁ ଭଲ ଭାବେ ଜାଣିବା ପରେ ଏବେ ବିବାହ କରିବାକୁ ନିଷ୍ପତ୍ତି ନେଇଛନ୍ତି । ଏହାକୁ ଆମେ ଦୁଇ ପରିବାର ସହମତି ଦେଇଛୁ ।
ତେବେ କୋଭିଡ୍ ପାଇଁ ଅଧିକ ଲୋକଙ୍କ ନିମନ୍ତ୍ରଣ କରାଯିବନି । ସୀମିତ ବନ୍ଧୁ ବାନ୍ଧବ ଓ ଅତି ନିକଟତର ସମ୍ପର୍କୀୟଙ୍କୁ ବିବାହ ଉତ୍ସବରେ ସାମିଲ କରାଯିବ । ପୂରା କୋଭିଡ୍ କଟକଣା ଭିତରେ ସବୁକିଛି ହେବ ବୋଲି ଜାଭେଦ୍ କହିଛନ୍ତି ।
Powered by Froala Editor
