ପଶ୍ଚିମବଙ୍ଗ : ଆଜି ସଂଧ୍ୟାରେ ପ୍ରକାଶ ପାଇବ ଏକଜିଟ ପୋଲ ଫଳାଫଳ
କୋଲକାତା : ଆଜି ପଶ୍ଚିମବଙ୍ଗ ବିଧାନସଭା ନିର୍ବାଚନ ଅଷ୍ଟମ ତଥା ଶେଷ ପର୍ଯ୍ୟାୟ ଭୋଟ । ଭୋଟ ଗ୍ରହଣ ଜାରି ରହିଥିବାବେଳେ ଆଜି ସଂଧ୍ୟାରେ ଏକଜିଟ ପୋଲ ଫଳାଫଳ ପ୍ରକାଶ ପାଇବ । ନିର୍ବାଚନ ପାଇଁ କୋଭିଡ -୧୯ ନିୟମ କଡ଼ାକଡ଼ି ପାଳନ ଉପରେ ଗୁରୁତ୍ୱ ଦିଆଯାଉଛି । ନିର୍ବାଚନ କମିସନଙ୍କ ଦ୍ୱାରା ଗଠିତ ସ୍କ୍ୱାର୍ଡ ବିଭିନ୍ନ ସ୍ଥାନରୁ ପ୍ରାୟ ୧.୪୫ କୋଟି ନଗଦ ଟଙ୍କା ଜବତ କରିଛନ୍ତି । ଆଜି ସକାଳ ୭ଟାରୁ ଭୋଟ ଗ୍ରହଣ ଆରମ୍ଭ ହୋଇ ସନ୍ଧ୍ୟା ୬.୩୦ରେ ସରିବ । ୮୪.୭୭.୭୨୮ ଭୋଟର ୨୮୩ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ । ଶେଷ ପର୍ଯ୍ୟାୟରେ ୪ଟି ଜିଲ୍ଲାର ୩୫ଟି ବିଧାନସଭା କ୍ଷେତ୍ର ସହ ମାଲଦାର ୬, ମୁର୍ସିଦାବାଦର ୧୧, ଉତ୍ତର କୋଲାକାତାର ୭, ବୀରଭୂମିର ୧୧ଟି ଆସନରେ ଭୋଟ ଗ୍ରହଣ ହେବ । ଭୋଟ ହେବାକୁ ଥିବା କେତେକ ଅଞ୍ଚଳରେ ହିଂସାକାଣ୍ଡ ହୋଇଥିବା ଜଣାପଡ଼ିଛି । ମୁର୍ସିଦାବାଦର ଡୋମକଳରେ ତୃଣମୂଳ ସମର୍ଥକମାନେ ମାକପା ସମର୍ଥକଙ୍କ ଘର ଭଙ୍ଗାରୁଜା କରିଛନ୍ତି । ବୀରଭୂମ ଓ ମୁର୍ସିଦାବାଦ ଜିଲ୍ଲାର କେତେକ ସ୍ଥାନରୁ ପୁଲିସ ଅଫୁଟ ବୋମା ଜବତ କରିଛି ।
Powered by Froala Editor
