କରୋନା ସଂକ୍ରମଣ, ଚିନ୍ତା ବଢାଉଛି କେରଳ
ନୂଆଦିଲ୍ଲୀ:ଗତ ୨୪ଘଣ୍ଟାରେ ଦେଶରେ ୧ଲକ୍ଷ ୬୭ହଜାର ୫୯ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏବେ ଦେଶରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୪କୋଟି ପାର୍ କରିଛି । ବର୍ତ୍ତମାନ ସୁଦ୍ଧା ଦେଶରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୪କୋଟି ୧୪ଲକ୍ଷ ୬୯ହଜାର ୪୯୯କୁ ବୃଦ୍ଧି ପାଇଛି । ଦେଶରେ ଦୈନିକ ପଜିଟିଭ୍ ହାର ୧୧.୬୯ ପ୍ରତିଶତ ରହିଛି ।
ଗତ ୨୪ଘଣ୍ଟାରେ ୭ଟି ରାଜ୍ୟ ମଧ୍ୟରେ କେରଳର ସର୍ବାଧିକ ୪୨ହଜାର ୧୫୪ ନୂଆ ଆକ୍ରାନ୍ତ ଚିହ୍ନଟ ହୋଇଥିବାବେଳେ କର୍ଣ୍ଣାଟକରେ ୨୪ହଜାର ୧୭୨ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ତାମିଲନାଡୁରେ ୧୯ହଜାର ୨୮୦, ମହାରାଷ୍ଟ୍ରରେ ୧୫ହଜାର ୧୪୦, ଗୁଜୁରାଟରେ ୬ହଜାର ୬୭୯, ରାଜସ୍ଥାନରେ ୬ହଜାର ୩୬୯ ଓ ଆନ୍ଧ୍ରପ୍ରଦେଶରେ ୫ହଜାର ୮୭୯ ନୂଆ ଆକ୍ରାନ୍ତଙ୍କୁ ଚିହ୍ନଟ କରାଯାଇଥିବା ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସୂଚନା ପ୍ରଦାନ କରାଯାଇଛି ।
ଗତ ୨୪ଘଣ୍ଟାରେ ଦେଶରେ ୧୧୯୨ଜଣଙ୍କ ମୃତୁ୍ୟ ଘଟିଛି । ଏହାକୁ ମିଶଇ ଦେଶରେ ମୋଟ କରୋନା ମୃତକଙ୍କ ସଂଖ୍ୟା ୪ଲକ୍ଷ ୯୬ହଜାର ୨୪୨କୁ ବୃଦ୍ଧି ପାଇଛି । ଏବେସୁଦ୍ଧା ୩କୋଟି ୯୨ଲକ୍ଷ ୩୦ହଜାର ୧୯୮ଜଣ ସୁସ୍ଥ ହୋଇଛନ୍ତି ।
Powered by Froala Editor
