କୁକୁର ପାଇଥାନ୍ତା ପ୍ରଥମ ଓସ୍କାର
୧୯୨୯ରେ ପ୍ରଥମ କରି ଚଳଚ୍ଚିତ୍ର ମଧ୍ୟରେ ଶ୍ରେଷ୍ଠ ଓସ୍କାର ପୁରସ୍କାର ଆରମ୍ଭ ହୋଇଥିଲା । ଜର୍ମାନୀର ଅଭିନେତା ଏମିଲ ଜାନିଙ୍ଗସ ଏହି ପୁରସ୍କାର ହାତେଇଥିଲେ । ମାତ୍ର ଏମିଲଙ୍କ ପରିବର୍ତ୍ତେ ଏହି ପୁରସ୍କାର ପ୍ରଥମେ ଏକ କୁକୁରକୁ ମିଳିବ ବୋଲି ଚୟନ କରାଯାଇଥିଲା । ଭଲ ଅଭିନୟ ପାଇଁ ପ୍ରାରମ୍ଭରୁ କୁକୁରକୁ ପୁରସ୍କାର ମିଳିଲେ ସମାଜକୁ ଏକ ଖରାପ ବାର୍ତ୍ତା ଯିବ ବୋଲି ଭାବି ଏକାଡେମିର ପ୍ରଥମ ସଭାପତି ଲୁଇସ ମେୟର କୁକୁରର ନାଁ କାଟିଥିଲେ । ପରେ କିଛି ଅଭିନେତାଙ୍କ ନାଁ ଚୟନ କରି ଭୋଟିଂ କରାଯାଇଥିଲା । ତେବେ ଓସ୍କାର ଜିତିବାକୁ ଥିବା କୁକୁରଟି ଜର୍ମାନ ସେଫର୍ଡ ପ୍ରଜାତିର ହୋଇଥିବା ବେଳେ ତା ନାଁ ରିନ ଟିନ ଟିନ ଥିଲା । ସେ ପ୍ରାୟ ୨୭ଟି ଚଳଚ୍ଚିତ୍ରରେ ଅଭିନୟ କରିଥିଲା । ଗୋଟିଏ ବର୍ଷରେ ରିନ ଟିନ ଟିନର ୪ଟି ଚଳଚ୍ଚିତ୍ର ମୁକ୍ତିଲାଭ କରିଥିଲା ।
Powered by Froala Editor
