ଶୀତଦିନ ଆସିଲେ ସାଧାରଣଃ ଚିନ୍ତା ପଡ଼ିଯାଏ ନିଜ ତ୍ୱଚା କୁ ନେଇକି, ଏହି ଦିନରେ ଏକ ବଡ଼ ସମସ୍ୟା ହେଉଛି ଫଟା ଓଠର ଯନ୍ତ୍ରଣା । ଶୀତ ଦିନରେ ସ୍କିନ ଶୁଷ୍କତା ଯୋଗୁଁ ପ୍ରାୟ ଲୋକଙ୍କର ଏହି ସମସ୍ୟା ଦେଖାଦେବା ସଙ୍ଗେ ଓଠରୁ ରକ୍ତ ମଧ୍ୟ ବାହାରେ ।

ଏହି ସମସ୍ୟାରୁ ରକ୍ଷା ପାଇବା ପାଇଁ ପ୍ରାକୃତିକ ଗୁଣରେ ଭରପୁର ହଳଦୀ ଯୁକ୍ତ ଲିପ୍ବାମ୍ ବହୁତ ଉପକାରୀ । ହଳଦୀ ଖାଦ୍ୟର ସ୍ୱାଦ,ରଙ୍ଗ ବଢ଼ାଇବା ସହିତ, ଉଭୟ ସ୍ୱାସ୍ଥ୍ୟ ଏବଂ ତ୍ୱଚା ପାଇଁ ମଧ୍ୟ ବେଶ୍ ଲାଭଦାୟକ । ହଳଦୀରେ ଥିବା ଆଣ୍ଟି-ବ୍ୟାକ୍ଟେରିଆଲ ଗୁଣ, ତ୍ୱଚା ପାଇଁ ଉପକାରୀ । ପୁରୁଣା ଯୁଗକୁ ଆରମ୍ଭ କରି ଆଜି ଯାଏ, ସୁନ୍ଦରତା ପାଇଁ ହଳଦୀର ବ୍ୟବହାର ହୋଇ ଆସୁଛି । ଠିକ୍ ସେମିତି ଚେହେରା ଭଳି, ଓଠ ପାଇଁ ମଧ୍ୟ ବେଶ ଉପକାରୀ ହଳଦୀ । ତେବେ ଆସନ୍ତୁ ଜାଣିବା ସୁନ୍ଦର ଏବଂ କମୋଳ ଓଠ ପାଇଁ ଘରେ ପ୍ରସ୍ତୁତ ହଳଦୀ ଲିପ୍ବାମ୍ ପ୍ରସ୍ତୁତି ଏବଂ ଏହାର ଫାଇଦା ବିଷୟରେ ।

ଖାସକରି ଶୀତ ଦିନରେ ଓଠ ଫାଟିବା ସମସ୍ୟା ଅଧିକ ଦେଖା ଦେଇଥାଏ । ଏଥିପାଇଁ ବଜାରରେ ମିଳୁଥିବା ବିଭିନ୍ନ କେମିକାଲ୍ ଯୁକ୍ତ ଲିପ୍ ବାମ୍ ଲୋକେ ବ୍ୟବହାର କରନ୍ତି । କିନ୍ତୁ ଘରେ ପ୍ରସ୍ତୁତ ହଳଦୀ ଲିପ୍ବାମ୍ ଓଠ ପାଇଁ ବେଶ ଉପଯୋଗୀ । ଏଥିପାଇଁ ଏକ ପାତ୍ରରେ କିଛି ହଳଦୀ ପାଉଡ଼ର ନେଇ,ସେଥିରେ ମହୁ, ଗ୍ଲିସେରିନ ଏବଂ ପେଟ୍ରୋଲିୟମ ଜେଲି ମିଶାଇ ଭଲଭାବେ ମିକ୍ସ କରିବେ । ଏହାପରେ ସେଥିରେ ଅଲିଭ ଅଏଲ ମିଶାଇ ପୁଣି ଭଲ ଭାବେ ଫେଣ୍ଟିବେ । ଏହାପରେ ତାକୁ ଏକ ଡ଼ବାରେ ପୁରାଇ, ଫ୍ରିଜରେ ୪ରୁ ୫ ଘଣ୍ଟା ଯାଏ ରଖିବେ । ତାପରେ ଫ୍ରିଜରୁ କାଢ଼ିବେ । ପ୍ରସ୍ତୁତ ହୋଇଗଲା ହଳଦୀ ଲିପ୍ବାମ୍ । 

ଏବେ ନଜର ପକାଇବା ଏହାର ଫାଇଦା ସମ୍ପର୍କରେ-

ଶୀତଦିନରେ ଏହି ଲିପ୍ବାମ୍ କୁ ନିୟମିତ ଓଠରେ ଲଗାଇବା ଦ୍ୱାରା, ଓଠ କୋମଳ ହେବା ସହିତ, ଓଠକୁ ଫାଟିବାକୁ ଦେଇ ନଥାଏ । ଏବଂ ଓଠରେ ପ୍ରାକୃତିକ ଚମକ ଆଣେ ।

Powered by Froala Editor