ଗଜା ବୁଟ ଓମୁଗର ଫାଇଦା  ଶରୀର ସୁସ୍ଥ ରହିଲେ, ସବୁ କିଛି ଠିକଠାକ୍‌ ଚାଲେ । ଦୈନିକ ଜୀବନ ମଧୁର ହୋଇଉଠେ । ରୋଗ ଥରେ ଗ୍ରାସ କରିଗଲେ ସବୁ ସରିଯାଏ । ଏଣୁ ସୁସ୍ଥ ରହିବା ହିଁ ଜୀବନ । ତାହେଲେ କେମିତି ଆମେ ସୁସ୍ଥ ଓ ନିରୋଗୀ ରହିବା ଆସନ୍ତୁ ଜାଣିବା ।

ଗଜା ଚଣା ହେଉଛି ଏମିତି ଏକ ଖାଦ୍ୟ , ଯାହାକୁ ପ୍ରତିଦିନ ସକାଳେ ଖାଇଲେ ଖୁବ୍‌ ଉପକାର ମିଳିଥାଏ । ଗଜା ଚଣାରେ କ୍ଲୋରୋଫିଲ, ଭିଟାମିନ୍ ଏ, ବି, ସି, ଡି ଏବଂ କେ, ଫସଫରସ, ପୋଟାସିୟମ୍, ମ୍ୟାଗ୍ନେସିୟମ୍ ଏବଂ ମିନେରାଲସ ଆଦି ଭରି ରହିଥାଏ । ରାତିସାରା ଭିଜାଇ ସକାଳେ ଏହାକୁ ଖାଇବା ଦ୍ୱାରା ଶରୀର ସୁସ୍ଥ ରହିଥାଏ ।

ଶରୀରକୁ ଆଇରନ୍‌ ଯୋଗାଏ - ଶରୀରରେ ଆଇରନ୍ କମ୍ ଥିଲେ ଚଣା ଖାଇବା ଦ୍ୱାରା ତାହା ଦୂର ହୋଇଥାଏ । ଚଣା ଖାଇବା ଦ୍ୱାରା ଏନିମିଆ ସମସ୍ୟା ମଧ୍ୟ ଦୂର ହୋଇଥାଏ ।

ହଜମ ଶକ୍ତି ବଢ଼ାଇଥାଏ - ଗଜା ଚଣାକୁ ଖାଇବା ଦ୍ୱାରା ଏହା ପାଚନ ଶକ୍ତି ବୃଦ୍ଧି କରିଥାଏ । ଖାଦ୍ୟ ଠିକରେ ହଜମ ହୁଏ । କୋଷ୍ଠ କାଠିନ୍ୟ ଭଳି ସମସ୍ୟା ଆଉ ଦେଖା ଦେଇନଥାଏ । ଚଣା ଡାଲିରେ ଥିବା ଫାଇବର ପାଚନ ପାଇଁ ଲାଭଦାୟକ ହୋଇଥାଏ ।

ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ - ଏହା ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ଖୁବ୍‌ ସାହାଯ୍ୟ କରିଥାଏ ।ଚଣାରେ ଭିଟାମିନ୍, ମିନେରାଲ୍ସ, କ୍ଲୋରୋଫିଲ୍ ଏବଂ ଫସଫରସ ପର୍ୟ୍ୟାପ୍ତ ପରିମାଣରେ ରହିଛି । ଯାହା ଫଳରେ ପ୍ରତିଦିନ ଭିଜା ଚଣା ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବଢିଥାଏ ।

ଶରୀରକୁ ସୁସ୍ଥ ରଖେ ଚଣା - ଗଜା ଜଣା ଖୁବ୍‌ ଶକ୍ତି ଦାୟକ । ଏହା ପୁରୁଷଙ୍କ ଠାରେ ଦେଖା ଦେଇଥିବା କୌଣସି ଦୁର୍ବଳତାକୁ ଦୀର କରିଥାଏ । ଏଣୁ ଏହାକୁ ଖାଇବା ନିହାତି ଆବଶ୍ୟକ । ପ୍ରତିଦିନ ସକାଳେ ଏହାକୁ ଭିଜାଇ ଖାଇଲେ ଖୁବ୍‌ ଲାଭ ମିଳେ ।

ଡାଇବେଟିସ୍‌ ସମସ୍ୟା ଦୂର କରେ - ପ୍ରତିଦିନ ସକାଳେ ଗଜା ଚଣା ଖାଇଲେ ଏହା ଡାଇବେଟିସ୍‌ ସମସ୍ୟାକୁ ମଧ୍ୟ ଦୂର କରିଥାଏ । ଏଣୁ ଏହାକୁ ଖାଲି ପେଟରେ ଖାଇଲେ ଡାଇବେଟିସ୍‌ରୁ ମୁକ୍ତି ମିଳେ । ପ୍ରତିଦିନ ସକାଳେ ଚଣାରେ ଲେମ୍ବୁ, ଅଦା, ଲୁଣ, ଗୋଲମରିଚ ମିଶାଇ ଖାଇଲେ ଶରୀର ସୁସ୍ଥ ରହିଥାଏ ।

Powered by Froala Editor