ଛଟ୍ ପୂଜା ସାରି ଫେରିବାବେଳେ ଦୁର୍ଘଟଣା, ୧୦ ମୃତ
ଆସାମର କରିମଗଞ୍ଜ ଜିଲ୍ଲାର ଜାତୀୟ ରାଜପଥରେ ଅଟୋ ରିକ୍ସା ସହ ଟ୍ରକ୍ ମଧ୍ୟରେ ମୁହାଁମୁହିଁ ଧକ୍କା ହେବାରୁ ୧୦ ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୩ ଜଣ ନାବାଳକ ଅଛନ୍ତି। ଆସାମ-ତ୍ରିପୁରା ସୀମାନ୍ତବର୍ତ୍ତୀ କରିମଗଞ୍ଜ ଜିଲ୍ଲା ପଥରଖଣ୍ଡି ଥାନା ଅନ୍ତର୍ଗତ ବୈଠକଖାଲ ଅଞ୍ଚଳର ଜାତୀୟ ରାଜପଥରେ ଦୁର୍ଘଟଣାଟି ଘଟିଛି। ଦୁର୍ଘଟଣା ଘଟିବା ପରେ ଟ୍ରକ୍ ଡ୍ରାଇଭର୍ ଘଟଣାସ୍ଥଳରୁ ଫେରାର ହୋଇଯାଇଛନ୍ତି।
ରିପୋର୍ଟ ଅନୁସାରେ, ଅଟୋରେ ଥିବା ଯାତ୍ରୀମାନେ ଛଟ୍ ପୂଜା ସାରି ଫେରୁଥିଲେ। ବିପରୀତ ଦିଗରୁ ଆସୁଥିବା ଗୋଟାଏ ଟ୍ରକ୍ ଓ ଅଟୋରିକ୍ସା ସାମ୍ନାସାମ୍ନି ଧକ୍କା ଖାଇବାରୁ ଦୁର୍ଘଟଣା ଘଟିଛି। ଏଥିରେ ୧୦ଜଣ ବ୍ୟକ୍ତିଙ୍କର ମୃତ୍ୟୁ ଘଟିଛି। ଦୁର୍ଘଟଣାସ୍ଥଳରେ ୯ଜଣ ବ୍ୟକ୍ତି ପ୍ରାଣ ହରାଇଥିବା ବେଳେ ଜଣଙ୍କୁ ସଙ୍କଟାପନ୍ନ ଅବସ୍ଥାରେ ଡାକ୍ତରଖାନାକୁ ଅଣାଯାଇଥିଲା। ପରେ ସେଠାରେ ତାଙ୍କର ମୃତ୍ୟୁ ଘଟିଛି। ମୃତବ୍ୟକ୍ତିମାନଙ୍କ ମଧ୍ୟରେ ୩ଜଣ ପୁରୁଷ, ୫ଜଣ ମହିଳା ଏବଂ ୨ଜଣ ପିଲା ଅଛନ୍ତି । ପ୍ରତ୍ୟକ୍ଷଦର୍ଶୀଙ୍କ ଠାରୁ ପ୍ରକାଶ ଯେ, ଟ୍ରକ୍ ଡ୍ରାଇଭର୍ ବିପଜ୍ଜନକ ବେଗରେ ଚଳାଉଥିବାରୁ ଦୁର୍ଘଟଣା ଏଡ଼ାଇବାକୁ ଗାଡ଼ିଟିକୁ ନିୟନ୍ତ୍ରଣ କରିପାରିଲେ ନାହିଁ।
Powered by Froala Editor
