ଦେଶରେ ଦିନକରେ ୧୦୮୫୩ ନୂଆ ସଂକ୍ରମିତ ଚିହ୍ନଟ
ନୂଆଦିଲ୍ଲୀ: କମିଲା ଦେଶର ଦୈନିକ ସଂକ୍ରମଣ । ଗତ ୨୪ ଘଣ୍ଟା ମଧ୍ୟରେ ଭାରତରୁ ମାତ୍ର ୧୦, ୮୫୩ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ପଜିଟିଭି ମାମଲା କମିବା ସହ ସୁସ୍ଥସଂଖ୍ୟା ବୃଦ୍ଧି ପାଇଛି । ଗୋଟିଏ ଦିନରେ ଦେଶରୁ ମୋଟ ୧୨,୪୩୨ କୋରୋନା ଆକ୍ରାନ୍ତ ସୁସ୍ଥ ହୋଇଛନ୍ତି ଏବଂ ୫୨୬ ଆକ୍ରାନ୍ତ ପ୍ରାଣ ହରାଇଛନ୍ତି ।
ବର୍ତ୍ତମାନ ଦେଶରେ ୧,୪୪,୮୪୫ଟି ସକ୍ରିୟ ମାମଲା ରହିଛି । ଯାହାକି ଗତ ୨୬୦ ଦିନ ମଧ୍ୟରେ ସର୍ବନିମ୍ନ । ସେହିପରି ବର୍ତ୍ତମାନ ଭାରତର ଟୀକାକରଣ ଡୋଜ ସଂଖ୍ୟା ୧,୦୮,୨୧,୬୬,୩୬୫କୁ ବୃଦ୍ଧି ପାଇଛି । ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଏହି ସୂଚନା ଦେଇଛି ।ଭାରତରେ ମହାମାରୀ ପ୍ରଭାବ ତଳମୁହାଁ ରହିଛି । ଲୋକଙ୍କ ମଧ୍ୟରେ ସଂକ୍ରମଣ ଭୟ କମ୍ ହୋଇଛି । ସଂକ୍ରମଣ ମାମଲା ହ୍ରାସ ସହ ବିଭିନ୍ନ ରାଜ୍ୟରେ ବନ୍ଦ ପଡିଥିବା ସ୍କୁଲ କଲେଜ ମଧ୍ୟ ଖୋଲିବା ଆରମ୍ଭ କରିଛି ।
Powered by Froala Editor
