ମୁମ୍ବାଇ ବିମାନବନ୍ଦରରୁ ୪ କୋଟିର ହେରୋଇନ ଜବତ
ମୁମ୍ବାଇ ବିମାନବନ୍ଦରରୁ ୪ କୋଟିର ହେରୋଇନ ଜବତ କରାଯିବା ସହ ଜଣଙ୍କୁ ଗିରଫ କରାଯାଇଛି । ଏ ସଂପର୍କରେ ନାର୍କୋଟିକ୍ସ ଡ୍ରଗ୍ସ ଆଣ୍ଡ ସାଇକୋଟ୍ରୋପିକ୍ ସବ୍ ଷ୍ଟାନ୍ସ (ଏନଡିପିଏସ୍) ଅଧିନିୟମ ଅନୁଯାୟୀ ମାମଲା ରୁଜୁ କରାଯାଇଛି ଏବଂ ପାର୍ସଲର ମାଲିକ ବାଦୋଦରା ନିବାସୀ କୃଷ୍ଣ ମୁରାରୀ ପ୍ରସାଦଙ୍କୁ ମୁମ୍ବାଇର ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ କାର୍ଯ୍ୟାଳୟକୁ ଡକାଯିବା ସହ ଜେରା କରା ଯାଇଥଲା। ପଚରାଉଚରା ପରେ ପ୍ରସାଦଙ୍କୁ ଗିରଫ କରାଯାଇଥିବା ଅଧିକାରୀ କହିଛନ୍ତି। ଗରିଫ ଅଭିଯୁକ୍ତ ଜଣକ ଗୁଜୁରାଟର ବାସିନ୍ଦା ବୋଲି ଏନସିବି ଅଧିକାରୀ କହିଛନ୍ତି।
ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଜୋନାଲ ୟୁନିଟ୍ ଉପାନ୍ତ ମୁମ୍ବାଇର ଆନ୍ତର୍ଜାତୀୟ କୋରିଅର୍ ଟର୍ମିନାଲରେ ଏକ ପାର୍ସଲରେ ଡ୍ରଗ୍ସ ଚୋରା ଚାଲାଣ କରା ଯାଉଥିବା ବିଷୟରେ ଏକ ନିର୍ଦ୍ଦିଷ୍ଟ ସୂଚନା ପାଇଥିଲା। ଗୁରୁବାର କମ୍ପ୍ଲେକ୍ସର ଗୋଦାମ ଉପରେ ଚଢ଼ାଉ କରାଯାଇଥିଲା। ଚଢ଼ାଉ ସମୟରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଅଧିକାରୀମାନେ ଏକ ପ୍ୟାକେଟରେ ୭୦୦ ଗ୍ରାମର ହେରୋଇନ୍ ଜବତ କରିଥିଲେ। ଯାହାର ମୂଲ୍ୟ ବଜାରରେ ପ୍ରାୟ ୪ କୋଟି ବୋଲି ଆକଳନ କରାଯାଇଥିବା ଅଧିକାରୀ ଜଣକ କହିଛନ୍ତି।
Powered by Froala Editor
