ବାବା କେଦାରନାଥଙ୍କ ଦର୍ଶନ ବର୍ଣ୍ଣନା କରିବାକୁ ମୋ ପାଖରେ ଭାଷା ନାହିଁ:ନରେନ୍ଦ୍ର ମୋଦି
![ବାବା କେଦାରନାଥଙ୍କ ଦର୍ଶନ ବର୍ଣ୍ଣନା କରିବାକୁ ମୋ ପାଖରେ ଭାଷା ନାହିଁ:ନରେନ୍ଦ୍ର ମୋଦି](https://odishanewslens.com/news_gallery/7778_1636094858.jpg)
ଉତ୍ତରାଖଣ୍ଡ: ଆଜି ସକାଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉତ୍ତରାଖଣ୍ଡ ରୁଦ୍ରପ୍ରୟାଗ ଜିଲ୍ଲାର କେଦାରନାଥ ମନ୍ଦିରରେ ପହଁଞ୍ଚି ସେଠାରେ ପୂଜାର୍ଚ୍ଚନା କରିବା ସହ ରୁଦ୍ରାଭିଷେକ ମଧ୍ୟ କରିଛନ୍ତି । ଏହା ସହ ଆଦି ଶଙ୍କରାଚାର୍ଯ୍ୟଙ୍କର ଏକ ପ୍ରତିମୂର୍ତ୍ତିକୁ ପ୍ରଧାନମନ୍ତ୍ରୀ ଉନ୍ମୋଚନ କରିଛନ୍ତି । ୧୨ ଫୁଟ ଉଚ୍ଚତା ଓ ୩୫ ଟନ ଓଜନର ଏହି ମୂର୍ତ୍ତିକୁ ମନ୍ଦିର ପରିସରରେ ସ୍ଥାପନ କରାଯାଇଛି । ଏହା ସହିତ ସେଠାରେ ଚାଲିଥିବା ଉନ୍ନତିମୂଳକ କାର୍ଯ୍ୟ ସମ୍ପର୍କରେ ମଧ୍ୟ ଆଲୋଚନା କରିଛନ୍ତି । ଏହା ସହିତ ୧୩୦ କୋଟି ଟଙ୍କାର ପ୍ରକଳ୍ପର ଶୁଭାରମ୍ଭ ଓ ଶିଳାନ୍ୟାସ କରିଛନ୍ତି ।
ବାବା କେଦାରନାଥଙ୍କୁ ଦର୍ଶନ ପରେ ପ୍ରଧାନମନ୍ତ୍ରୀ ସମ୍ବୋଧନ କରି କହିଛନ୍ତି ଯେ, ବାବା କେଦାରନାଥଙ୍କ ଦର୍ଶନ ବର୍ଣ୍ଣନା କରିବାକୁ ମୋ ପାଖରେ ଭାଷା ନାହିଁ ଓ ଆଦି ଶଙ୍କରାଚାର୍ଯ୍ୟଙ୍କ ସମାଧିର ଦିବ୍ୟ ଅନୁଭୂତି ମତେ ବିମୋହିତ କରିଛି । ଆମ ମହାନ ଦେଶରେ ପ୍ରାଚୀନ କାଳରୁ ଋଷି ପରମ୍ପରା ରହିଆସିଛି । ଭାରତରୁ କୋଣ ଅନୁକୋଣରୁ ଆସିଥିବା ଶ୍ରଦ୍ଧାଳୁମାନଙ୍କୁ ଆଧ୍ୟାତ୍ମିକତାର ବାର୍ତ୍ତା ପ୍ରଚାର କରୁଛନ୍ତି ଓ ଏଠାରେ ହେଉଥିବା ଉନ୍ନତିମୂଳକ କାର୍ଯ୍ୟ ଶ୍ରଦ୍ଧାଳୁ ମାନଙ୍କୁ ଆକୃଷ୍ଟ କରିବ ବୋଲି ମଧ୍ୟ ସେ କହିଛନ୍ତି ।
Powered by Froala Editor