‘ଏକ ପଲ୍ କା ଜିନା’ ଗୀତରେ ଧୁମ୍ ମଚାଇଲେ ଆଶା ଭୋସଲେ
ହ୍ରିତିକ ରୋଶନ ସପରହିଟ୍ ଗୀତ ‘ଏକ ପଲ୍ କା ଜିନା’ ରେ ଧୁମ୍ ମଚାଇଛନ୍ତି ପ୍ରଖ୍ୟାତ କଣ୍ଠଶିଳ୍ପୀ ଆଶା ଭୋସଲେ । ଏଥିରେ ହ୍ରିତିକ୍ଙ୍କୁ ସେ ପୁରା କପି କରିବା ପାଇଁ ଚେଷ୍ଟା ମଧ୍ୟ କରିଛନ୍ତି। ସୋଶାଲ ମିଡିଆରେ ଆଶାଙ୍କ ଏହି ଡ୍ୟାନ୍ସ ଭିଡିଓ ଏବେ ଜୋର୍ ସୋର୍ରେ ଭାଇରାଲ ହେବାରେ ଲାଗିଛି। ଭିଡିଓରେ ଅଶା ନୀଳ ରଙ୍ଗ ଶାଢ଼ୀ ପିନ୍ଧିଛନ୍ତି। ଏକ ଷ୍ଟେଜ୍ ଉପରରେ ହ୍ରିତିକ୍ ରୋଶନ୍ଙ୍କ `ଏକ ପଲ୍ କା ଜିନା’ ଗୀତର ସିଗ୍ନେଚର ଷ୍ଟେପ୍ କରୁଛନ୍ତି । ଆଶାଙ୍କ ଏହି ଭିଡିଓଟି ସାମ୍ନାକୁ ଆସିବା ପରେ ଲୋକେ ଚକିତ ହୋଇପଡିଛନ୍ତି। ଫିଲ୍ମ ଫେଆର ପକ୍ଷରୁ ଇନଷ୍ଟାଗ୍ରାମରେ ଏହି ଭିଡିଓକୁ ସେଆର କରାଯାଇଛି। ଭିଡିଓଟି ଭାଇରାଲ ହେବା ସହ ଏହାକୁ ଏଯାଏଁ ୧୦ ହଜାରରୁ ଅଧିକ ଲାଇକ୍ସ ଓ କେମଣ୍ଟ ମଧ୍ୟ ମିଳିସାରିଲାଣି। ଜଣେ ୟୁଜର୍ସ କେମଣ୍ଟ କରି ଆଶା ଭୋସ୍ଲେଙ୍କ ଡ୍ୟାନ୍ସର ପ୍ରଶଂସା କରିଛନ୍ତି। ସୂଚନା ମୁତାବକ, ବଲିଉଡ ଗାୟିକା ଆଶା ଭୋସ୍ଲେଙ୍କ ଗୀତକୁ ଲୋକେ ଆଜି ବି ପସନ୍ଦ କରନ୍ତି। ସେ ବଲିଉଡକୁ ଅନେକ ସୁପର୍ହିଟ୍ ଗୀତ ଭେଟି ଦେଇଛନ୍ତି। ନିକଟରେ ତାଙ୍କୁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମହାରାଷ୍ଟ୍ର ଭୂଷଣ ପୁରସ୍କାରରେ ସମ୍ମାନିତ କରିଛନ୍ତି।
Powered by Froala Editor
