ଟ୍ୱିନ ସିଟିର ନାବାଳିକା ନାବାଳିକା ଝିଅମାନଙ୍କୁ ଗୋପନରେ ବିବାହ ଓ ପଳାୟନରୁ ନିବୃତ୍ତ କରିବା ପାଇଁ ଆରମ୍ଭ ହେଲା 'ପ୍ରାରମ୍ଭ' ଯୋଜନା । ପ୍ରତିବର୍ଷ ବର୍ଷ ଭୁବନେଶ୍ୱରରେ ୩ ଶହରୁ ୩୫୦ ଅପହରଣ ମାମଲା ରୁଜୁ ହୋଉଛି । ଏହାକୁ ଦୃଷ୍ଟିରେ ରଖି କମିଶନରେଟ ପୋଲିସ ଆରମ୍ଭ କରିଛି ପ୍ରାରମ୍ଭ ଯୋଜନା । 

ପ୍ରାରମ୍ଭ ଯୋଜନା ବିଶେଷ କରି ବସ୍ତିରେ ସୋସିଆଲ ମିଡ଼ିଆର ଦାୟିତ୍ୱପୂର୍ଣ୍ଣ ବ୍ୟବହାର ବିଷୟରେ ବିଦ୍ୟାଳୟ, କଲେଜରେ କର୍ମଶାଳା ଆୟୋଜନ କରିବା, ଉଦ୍ଧାର ପରେ ପୀଡ଼ିତା ଏବଂ ତାଙ୍କ ପରିବାରକୁ ପରାମର୍ଶ ଦେବା ଭଳି କାର୍ଯ୍ୟ କରାଯିବ।

ଅଧିକାଂଶ ଘଟଣାରେ ଦେଖିବାକୁ ମିଳୁଛି, ବିବାହ ପ୍ରଲୋଭନ ଦେଖାଇ ନାବାଳିକା ମାନଙ୍କୁ ଅପହରଣ କରାଯାଉଛି । ଗତ ୬ ମାସ ତଳେ ଆରମ୍ଭ ହୋଇଥିବା କିଡନାପିଂ ସେଲ ଦ୍ୱାରା ଟ୍ଵିନସିଟିରୁ ୨୪୧ ଜଣ ନାବାଳିକା ଉଦ୍ଧାର କରାଯାଇଥିଲା । ୨୯୫ ଅପହରଣ ଅଭିଯୋଗ ତଦନ୍ତ ଶେଷ କରିବା ସହିତ ସୋସିଆଲ ମିଡିଆରେ ଲୋକଙ୍କୁ ସଚେତନ କରାଯିବ । ଦରକାର ପଡିଲେ ସ୍କୁଲ ଓ କଲେଜ ମାନଙ୍କରେ କର୍ମଶାଳା କରାଯିବ । ଆହୁରି ମଧ୍ୟ ପ୍ରାରମ୍ଭ' ଯୋଜନାରେ ଅଭିଯୋଗ କରିବା ପାଇଁ ପୋଲିସ ଜାରି ହେଲ୍ପ ଲାଇନ ନମ୍ବର ୨୫୪୫୪୪୫ ଜାରି କରିଛି । ଯିଏ ଚାହିଁବ ଏହି ନମ୍ୱରରେ ଯୋଗାଯୋଗ କରି ପାରିବେ । କେବଳ ଭୁବନେଶ୍ୱର ପାଇଁ ଏହି ନମ୍ବରଟି ଉପଲବ୍ଧ ହେବ ବୋଲି ଜଣାଯାଇଛି ।

କିସ୍ ଏବଂ ଏସ୍.ଏନ ମହାନ୍ତି ଫାଉଣ୍ଡେସନ୍ କମିଶନରେଟ୍ ପୋଲିସ ସହିତ ସହଯୋଗ ଯୋଗାଇ ଦେଇଛନ୍ତି। ରଗବି ଇଣ୍ଡିଆର ଅଭିନେତା-ନିର୍ଦ୍ଦେଶକ ତଥା ବୋର୍ଡ଼ ସଦସ୍ୟ ରାହୁଲ ବୋଷ ମଧ୍ୟ ଏହି ଅଭିଯାନକୁ ସମର୍ଥନ ଜଣାଇଛନ୍ତି। 

Powered by Froala Editor