ଅକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ବେଲ୍‌ ବଟମ୍‌'ର ଟ୍ରେଲର ରିଲିଜ ହୋଇଛି । ଟ୍ରେଲର ଆସିବା ପରେ ଲୋକମାନେ ଏହାର ପ୍ରତ୍ୟେକ ଚରିତ୍ର ବିଷୟରେ ଆଲୋଚନା କରୁଛନ୍ତି। କିନ୍ତୁ ଟ୍ରେଲରରେ ଲାରା ଦତ୍ତଙ୍କ ପରିବର୍ତ୍ତନ ଲୋକମାନଙ୍କୁ ଆଶ୍ଚର୍ଯ୍ୟ କରିଛି।  ଲାରାଙ୍କୁ ଚିହ୍ନିବା କଷ୍ଟକର ହୋଇପଡିଛି । 

ଲାରା ଦତ୍ତା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରିଛନ୍ତି । ଏହି ଭୂମିକା କରିବା ପାଇଁ ଲାରା କଠିନ ପରିଶ୍ରମ କରିଛନ୍ତି । ଭୂମିକା ପାଇଁ ଲାରା ପ୍ରୋଥେଟିକ୍ସ ମେକଅପ୍ ର ସାହାରା ନେଇଛନ୍ତି। ଟ୍ରେଲର ରିଲିଜ ହେବା ପରେ ଲାରା ଏବଂ ତାଙ୍କ ମେକ୍ ଅପ୍ ଆର୍ଟିଷ୍ଟଙ୍କୁ ସୋସିଆଲ ମିଡିଆରେ ଖୁବ୍ ପ୍ରଶଂସା କରାଯାଉଛି । ଲୋକମାନେ କହୁଛନ୍ତି ଯେ ଲାରା ଅବିକଳ ଇନ୍ଦିରା ଗାନ୍ଧୀଙ୍କ ପରି ଦେଖାଯାଉଛନ୍ତି। ସେ ତାଙ୍କ ଶୈଳୀ ଏବଂ ରୂପକୁ ଠିକ୍ ଭାବରେ ଗ୍ରହଣ କରିଛନ୍ତି ।

ଫିଲ୍ମଟି ଭାସୁ ଭାଗ୍ନାନୀ, ଜ୍ୟାକି ଭାଗ୍ନାନୀ, ଦୀପଶିଖା ଦେଶମୁଖ, ମୋନିଶା ଆଡଭାନୀ ଏବଂ ନିଖିଲ ଆଡଭାନୀଙ୍କ ଦ୍ୱାରା ନିର୍ମିତ ଏବଂ ରଞ୍ଜିତ ତିୱାରୀ ଏହାକୁ ନିର୍ଦ୍ଦେଶନା ଦେଇଛନ୍ତି।  ବିମାନ ଅପହରଣର ପ୍ରକୃତ ଘଟଣା ଦ୍ୱାରା ଅନୁପ୍ରାଣିତ ଏହି ଫିଲ୍ମରେ ଅକ୍ଷୟଙ୍କ ବ୍ୟତୀତ ଲାରା ଦତ୍ତା, ବାଣୀ କପୁର ଏବଂ ହୁମା କ୍ୟୁରେଶି ପ୍ରମୁଖ ଭୂମିକାରେ ଅଛନ୍ତି। 

ବିଶେଷ କଥା ହେଉଛି ଅକ୍ଷୟ କୁମାରଙ୍କ ଏହି ଫିଲ୍ମ 3D ରେ ରିଲିଜ ହେବାକୁ ଯାଉଛି। ଏହି ଖବରକୁ ନିଶ୍ଚିତ କରି ଅକ୍ଷୟ କୁମାର ଏହାକୁ 3D ରେ ରିଲିଜ୍ କରିବାକୁ ଘୋଷଣା କରିଛନ୍ତି। ଭିଡିଓ ସେୟାର କରି ଅକ୍ଷୟ କୁମାର ଲେଖିଛନ୍ତି ଯେ 'ଅଗଷ୍ଟ ୧୯ରେ ପୂରା ଫିଲ୍ ସହିତ୍ ଥ୍ରୀଲ କରିବ। ତେବେ ଲୋକମାନେ ଅଗଷ୍ଟ ୧୯କୁ ଅପେକ୍ଷା କରିଛନ୍ତି ଯେତେବେଳେ ଏହି ଚଳଚ୍ଚିତ୍ର ପ୍ରେକ୍ଷାଳୟକୁ ଆସିବ।

Powered by Froala Editor