ରିଆଲିଟି ଶୋ’ ‘ଲକ୍ ଅପ୍ ୨’ରେ ସୋସିଆଲ ମିଡିଆ ଇନ୍‌ଫ୍ଲୁଏନ୍ସର ତଥା ଅଭିନେତ୍ରୀ ଶ୍ରେୟା କାଲରା ଟ୍ରଫି ଜିତିଛନ୍ତି। ସେ ଟ୍ରଫି ସହ ୧ କୋଟି ଟଙ୍କାର ପୁରସ୍କାର ରାଶି ମଧ୍ୟ ଜିତିଛନ୍ତି। ଗ୍ରାଣ୍ଡ ଫିନାଲେରେ ଶ୍ରେୟା ଅଭିନେତ୍ରୀ ଶିବାଙ୍ଗୀ ଯୋଶୀଙ୍କୁ ହରାଇ ବିଜୟୀ ହୋଇଛନ୍ତି। ଶ୍ରେୟା ସମସ୍ତ ପ୍ରତିଯୋଗୀଙ୍କୁ ପଛରେ ପକାଇ ଟ୍ରଫି ହାତେଇ ନେଇଛନ୍ତି। ଅଭିନେତ୍ରୀ ଶିବାଙ୍ଗୀ ଯୋଶୀ ଫାଇନାଲରେ ଫର୍ଷ୍ଟ ରନର୍ସ ଅପ୍ ରହିଥିଲେ।

ନେଟଫ୍ଲିକ୍ସର ଚର୍ଚ୍ଚିତ ରିଆଲିଟି ଶୋ’ ‘ଲକ୍ ଅପ୍ ୨’ର ଗ୍ରାଣ୍ଡ ଫିନାଲେ ୫ ଅଗଷ୍ଟରେ ଅନୁଷ୍ଠିତ ହୋଇଥିଲା। ପ୍ରାୟ ଦେଢ଼ ମାସ ଧରି ଚାଲିଥିବା ଏହି ଶୋ’ରେ ମୋଟ ୧୫ ଜଣ ପ୍ରତିଯୋଗୀ ଭାଗ ନେଇଥିଲେ। ଫାଇନାଲ ପର୍ଯ୍ୟନ୍ତ ଶ୍ରେୟା କାଲରାଙ୍କ ସହ ଶିବାଙ୍ଗୀ ଯୋଶୀ, ରାମ କପୁର, ଯୋଗେଶ ରାୱତ ଓ ଶିଳ୍ପା ଶିନ୍ଦେ ପହଞ୍ଚିଥିଲେ। ତେବେ ଶେଷରେ ଶ୍ରେୟା ବାଜି ମାରିଥିଲେ।

ମଧ୍ୟପ୍ରଦେଶର ଇନ୍ଦୋରର ବାସିନ୍ଦା ଶ୍ରେୟା କାଲରା ଜଣେ ସୋସିଆଲ ମିଡିଆ ଇନ୍‌ଫ୍ଲୁଏନ୍ସର ଓ ଅଭିନେତ୍ରୀ। ସେ ୨୦୨୦ରେ MTV ରିଆଲିଟି ଶୋ’ ‘ରୋଡିଜ୍’ରେ ମଧ୍ୟ ନଜର ଆସିଥିଲେ। ଏହା ସହ ସେ ‘ଜରିଆ ତୁ’ ମ୍ୟୁଜିକ୍ ଭିଡିଓରେ କାମ କରିଛନ୍ତି। ଇନ୍‌ଷ୍ଟାଗ୍ରାମରେ ଶ୍ରେୟାଙ୍କର ୨୩ ଲକ୍ଷରୁ ଅଧିକ ଫଲୋଅର୍ସ ଅଛନ୍ତି। ସମ୍ପୂର୍ଣ୍ଣ ସିଜନ୍‌ରେ ଶ୍ରେୟାଙ୍କ ଖେଳ ଓ ରଣନୀତିକୁ ଦର୍ଶକଙ୍କ ଠାରୁ ଭଲ ପ୍ରତିକ୍ରିୟା ମିଳିଥିଲା। ତାଙ୍କ ପ୍ରଦର୍ଶନରେ ଫ୍ୟାନ୍ସ, ଜଜ୍ ଓ ଶୋ’ର ଅତିଥିମାନେ ପ୍ରଭାବିତ ହୋଇଥିଲେ।

Powered by Froala Editor