୧୬ ରେ ହେବ ନାହିଁ ବିଧାନସଭା ବୈଠକ
ଭୁବନେଶ୍ବର: ରାଜ୍ୟସଭା ନିର୍ବାଚନ ଲାଗି ଚଳିତ ମାସ ୧୬ ପୂର୍ବାହ୍ଣ ୯ଟାରୁ ଅପରାହ୍ଣ ୪ଟା ପର୍ଯ୍ୟନ୍ତ ଭୋଟ ଗ୍ରହଣ ଥିବାରୁ ଏହିଦିନ ବିଧାନସଭା ବୈଠକ ହେବନାହିଁ। ଶୁକ୍ରବାର ଗୃହରେ ଗୃହୀତ କାର୍ଯ୍ୟ ପରାମର୍ଶଦାତା କମିଟିଙ୍କ ରିପୋର୍ଟ ଅନୁଯାୟୀ ଏହା ସ୍ଥିରିକୃତ ହୋଇଛି।
ଫେବୃଆରୀ ୨୪ରେ ଗୃହ ସହମତ ହୋଇଥିବା ୨୦୨୬-୨୭ ଆର୍ଥିକ ବର୍ଷ ବଜେଟର ଆଲୋଚନା ଏବଂ ଭୋଟ ଗ୍ରହଣ ପାଇଁ ଥିବା ବିଦ୍ୟାଳୟ ଓ ଗଣଶିକ୍ଷା ଏବଂ ଉଚ୍ଚଶିକ୍ଷା ବିଭାଗ ସମ୍ପର୍କିତ ଅନୁଦାନ ଦାବିଗୁଡିକୁ ମାର୍ଚ୍ଚ ୨୦ ପାଇଁ ସ୍ଥିରିକୃତ ହୋଇଥିବା ନିର୍ମାଣ ବିଭାଗ ସହିତ ଆଲୋଚନା ଓ ଭୋଟ ଗ୍ରହଣ ପାଇଁ ନିଆଯିବ। ତେଣୁ ଗୃହକାର୍ଯ୍ୟ ଚଳିତ ମାସ ୧୭ ପୂର୍ବାହ୍ଣ ୧୦ଟା ୩୦ ପର୍ଯ୍ୟନ୍ତ ମୁଲତବୀ ରହିଛି।
Powered by Froala Editor
