ଡକ୍ଟର ଗେଟ୍ଅପ୍ରେ ଆୟୁଷ୍ମାନ୍
ଆୟୁଷ୍ମାନ ଖୁରାନାଙ୍କ ଅଭିନୟ ଆପଣ ନିଶ୍ଚୟ ଦେଖିଥିବେ ଆଉ ହସି ହସି ଗଡିଥିବେ । କାରଣ ଆୟୁଷ୍ମାନ ପୂରା ମିକ୍ସ ପ୍ୟାକେଜ ସହ ଦର୍ଶକଙ୍କ ମନ କିଣି ନିଅନ୍ତି । ଏଥର ବି ସେ ଭିନ୍ନ ଅନ୍ଦାଜରେ ନଜର ଆସିବେ । ଆୟୁଷ୍ମାନଙ୍କ ଫିଲ୍ମ ଡକ୍ଟର ଜୀର ଫାଷ୍ଟ ପୋଷ୍ଟର ରିଲିଜ ହୋଇଛି । ଆୟୁଷ୍ମାନ ଡକ୍ଟର ଗେଟ୍ଅପ୍ରେ ନଜର ଆସିଛନ୍ତି । ତାଙ୍କ ଏ ସିମ୍ପଲ୍ ଲୁକ୍ ଦର୍ଶକଙ୍କୁ ବେଶ୍ ପସନ୍ଦ ଆସିଛି । ହାତରେ ଷ୍ଟେଥୋସ୍କୋପ ଓ ବହି ସହ ଆୟୁଷ୍ମାନଙ୍କ ଚଷମା ଏବଂ ଏପ୍ରନ ପିନ୍ଧା ଲୁକଙ୍କୁ ପ୍ରଶଂସକମାନେ ପସନ୍ଦ କରିଛନ୍ତି । ରକୁଲ ପ୍ରୀତ ଓ ଶେଫାଳୀ ଶାହ ମଧ୍ୟ ଏହି ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ଅବତୀର୍ଣ୍ଣ ହେବେ । ଆୟୁଷ୍ମାନ ସୋସିଆଲ ସାଇଟରେ ପ୍ରଶଂସକଙ୍କ ପାଇଁ ଏହି ଫଟୋ ଶେୟାର କରିଛନ୍ତି । ଏହା ସହିତ ସେ ଲେଖିଛନ୍ତି ଡକ୍ଟର ଜୀ ତୈୟାର ହୋ କର ନିକଲେ, ଅବ ହୋଗୀ ଶୁଟିଂ । ଡାକ୍ତର ଭୂମିକା କରିବା ସୁଯୋଗ ପାଇଥିବାରୁ ଗର୍ଭ ଅନୁଭବ କରୁଛି ବୋଲି ସେ କହିଛନ୍ତି ।
Powered by Froala Editor
