ନ୍ୟୁୟର୍କରେ ନିଜର ଯାଦୁ ଦେଖାଇଛନ୍ତି ଭାରତୀୟ କମେଡିଆନ  ଜାକିର ଖାନ । ସେ ଷ୍ଟାଣ୍ଡଅପ୍ କମେଡିଆନ ପାଇଁ ପରିଚିତ । ହେଲେ ନ୍ୟୁୟର୍କର ଆଇକନିକ ମ୍ୟାଡିସନ ସ୍କୋୟାର ଗାର୍ଡେନରେ ହିନ୍ଦୀ ଭାଷାରେ କମେଡି ଶୋ କରି ଜାକିର ଇତିହାସ ରଚିଛନ୍ତି।

ଇନଷ୍ଟାଗ୍ରାମରେ ଏହି ଆବେଗପୂର୍ଣ୍ଣ ମୁହୂର୍ତ୍ତ ସେୟାର କରି ଜାକିର ଏହାକୁ “ବଡ଼ ଦିନ” ବୋଲି ଅଭିହିତ କରିଛନ୍ତି ଏବଂ ହିନ୍ଦୀ କମେଡିରେ ୬,୦୦୦ ଲୋକଙ୍କୁ ମନୋରଞ୍ଜନ କରିବାର ଅଭିଜ୍ଞତାକୁ ଅଭୂତପୂର୍ବ ବୋଲି କହିଛନ୍ତି। ସେ ତାଙ୍କ ବନ୍ଧୁ ଓ ଟିମ୍‌କୁ ସମର୍ଥନ ପାଇଁ ଧନ୍ୟବାଦ ଜଣାଇଛନ୍ତି।

ଫକ୍ସ ୫ ନ୍ୟୁୟର୍କକୁ ଦେଇଥିବା ସାକ୍ଷାତକାରରେ ଜାକିର କହିଛନ୍ତି, “ମ୍ୟାଡିସନ ସ୍କୋୟାର ଗାର୍ଡେନରେ ପ୍ରଦର୍ଶନ ମୋ ଯୋଜନାରେ ନଥିଲା। ଏହା ବଡ଼ ଫିଲ୍ମ ଷ୍ଟାରଙ୍କ ପାଇଁ ଜାଗା ବୋଲି ଲାଗୁଥିଲା, କିନ୍ତୁ କେତେବେଳେ ଜୀବନ ତୁମ ସ୍ୱପ୍ନଠାରୁ ଆଗକୁ ଯାଏ ତାହା ସବୁଦିନ ପାଇଁ ମନେରହେ ।’

ସୂଚନାଯୋଗ୍ୟ ଯେ, ଇନ୍ଦୋରର ୩୭ ବର୍ଷୀୟ ଜାକିର ଜଣେ କମେଡିଆନ, ଯିଏ ତାଙ୍କର ‘ଶକ୍ତ ଲୌଣ୍ଡା’ (ଟଫ୍‌ ଗାଏ) ଚରିତ୍ର ଓ ହୃଦୟସ୍ପର୍ଶୀ କାହାଣୀ ପାଇଁ ପରିଚିତ । କିନ୍ତୁ ନ୍ୟୁୟର୍କରେ ୬,୦୦୦ ଦର୍ଶକଙ୍କୁ ନେଇ ଏକ ସଫଳ ଶୋ କରିଛନ୍ତି, ଯାହା ବିଶ୍ୱ ମଞ୍ଚରେ ଭାରତୀୟ କମେଡି ପାଇଁ ଏକ ଐତିହାସିକ ମାଇଲଖୁଣ୍ଟ।

Powered by Froala Editor