ପରଲୋକରେ ଫିଲ୍ମ ୩ ଇଡିୟଟ୍ସର ପ୍ରଫେସର ଅଚ୍ୟୁତ୍ ପୋତଦାର୍। ମୃତ୍ୟୁ‌ ବେଳକୁ ତାଙ୍କୁ ୯୧ବର୍ଷ ବୟସ ହୋଇଥିଲା। ଅଚ୍ୟୁତ୍ ଥାଣେର ଜୁପିଟର ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଆଖି ବୁଜିଛନ୍ତି । ଅଭିନେତା ଅଚ୍ୟୁତ୍ ପୋତଦାର ଲମ୍ବା ସମୟରେ ଧରି ରୋଗ ପୀଡ଼ିତ ଥିଲେ । ଅଚ୍ୟୁତଙ୍କ ପରିଲୋକ ଖବର ଶୁଣି ବଲିଉଡରେ ଶୋକର ଛାୟା ଖେଳିଯାଇଛି । 

ଅଭିନେତା ଅଚ୍ୟୁତ୍ ପୋତଦାରଙ୍କ ଫିଲ୍ମ କ୍ୟାରିୟର ୪ ଦଶକରୁ ଅଧିକ ଲମ୍ବା । ସେ ହିନ୍ଦୀ ଓ ମରାଠି ସିନେମା ନିଖୁଣ ଅଭିନୟ କରିଛନ୍ତି । ପ୍ରାୟ ୧୨୫ରୁ ଅଧିକ ଫିଲ୍ମରେ ନିଜର ଅଭିନୟର ଛାପ ଛାଡ଼ିଛନ୍ତି । ତାଙ୍କ ଅଭିନିତ ଲୋକପ୍ରିୟ ଫିଲ୍ମ ମଧ୍ୟରୁ ଆକ୍ରୋଶ, ତେଜାବ, ପରିଣିତା, ପରିନ୍ଦା, ବାସ୍ତବ, ଲଗେ ରହୋ ମୁନ୍ନା ଭାଇ, ଦବଙ୍ଗ-୨, ହମ୍ ସାଥ ସାଥ ହେ, ରଙ୍ଗିଲା, ରାଜୁ ବନଗେୟା ଜେଣ୍ଟଲମ୍ୟାନ୍ ଏବଂ ଥ୍ରୀ-ଇଡିଅଟ୍ସ ଭଳି ହିଟ୍ ଫିଲ୍ମରେ ଅଭିନୟ କରିଥିଲେ ଅଚ୍ୟୁତ୍ ପୋତଦାର । 

୨୦୦୯ରେ ରିଲିଜ୍ ହୋଇଥିଲା ଫିଲ୍ମ ୩ ଇଡିୟଟ୍ସ। ଆମୀର ଖାନ୍, ଆର୍ ମାଧବନ, ବମନ ଈରାନୀ ଓ ଶର୍ମନ ଯୋଶୀଙ୍କ ଭଳି କଳାକାର ଏଥିରେ ଅଭିନୟ କରିଥିବା ବେଳେ ଜଣେ କଠୋର ପ୍ରଫେସରଙ୍କ ଭୂମିକା ପାଇଁ ପ୍ରସିଦ୍ଧ ହୋଇଥିଲେ ଅଚ୍ୟୁତ ପୋତଦାର। ଦୀର୍ଘ ବର୍ଷ ପରେ ବି ତାଙ୍କ ଭୂମିକାକୁ ଲୋକେ ମନେ ରଖିଥିବା ବେଳେ ତାଙ୍କର ଦେହାନ୍ତ ଖବର ସମସ୍ତଙ୍କୁ ଦୋହଲାଇ ଦେଇଛି। ଅଗଷ୍ଟ ୧୮ ଅର୍ଥାତ୍ ସୋମବାର ତାଙ୍କର ଦେହାନ୍ତ ହୋଇଥିବା ଜଣାଯାଇଛି। 

Powered by Froala Editor