୯୫ ଦିନରେ ରତ୍ନଭଣ୍ଡାର ମରାମତି କାମ ସମ୍ପୂର୍ଣ୍ଣ
ବିଶ୍ବ ପ୍ରସିଦ୍ଧ ରଥଯାତ୍ରା ସମୟରେ ଶ୍ରୀମନ୍ଦିର ରତ୍ନଭଣ୍ଡାର ମରାମତି କାମ ସମ୍ପୂର୍ଣ୍ଣ ହୋଇଛି। ଉଭୟ ଭିତର ଓ ବାହାର ରତ୍ନଭଣ୍ଡାର ମରାମତି କାମ ଶେଷ ହୋଇଛି। ଏଥି ପାଇଁ ମୋଟ ୯୫ ଦିନ ଲାଗିଥିଲା। ମୋଟ ୩୩୩ ଘଣ୍ଟାର ମରାମତି କାମ କରାଯାଇଥିବା ରେକର୍ଡ ହୋଇଛି। ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ଏନେଇ ଗଣମାଧ୍ୟମର ପ୍ରତିନିଧିଙ୍କୁ ସୂଚନା ଦେଇଛନ୍ତି।
ଉଭୟ ଭିତର ଓ ବାହାର ରତ୍ନଭଣ୍ଡାର କାମ ସରିଥିବାବେଳେ ପାଖାପାଖି 95 ଦିନ ସଂରକ୍ଷଣ ଓ ମରାମତି କାମ ଚାଲିଥିଲା। ଡିସେମ୍ବର 12 ରୁ କାମ ଆରମ୍ଭ ହୋଇଥିଲା ଏବଂ ଏପ୍ରିଲ 29 ରୁ ମରାମତି କାମ ବନ୍ଦ ଥିଲା। ଠାକୁର ରତ୍ନବେଦୀ ଛାଡିବା ପରେ ପୁଣି କାମ ଆରମ୍ଭ ହୋଇଥିଲା।
ରତ୍ନଭଣ୍ଡାରରେ ମୋଟ ୧୫ଟି ଷ୍ଟେନଲେସ ଷ୍ଟିଲ ବକ୍ସ ଵିମ ଲଗାଯିବା ସହିତ 520 ଛୋଟବଡ ପଥର ବଦଳ କରାଯାଇଛି। ପଥର ବଦଳରେ ଚଟାଣକୁ ନୂଆ ଗ୍ରାନାଇଟ କରାଯାଇଛି। ଛାତକୁ ୱାଟର ପ୍ରୁଫ କରାଯାଇଛି, ଯାହାଫଳରେ ଆଉ ପାଣି ଗଳିବ ନାହିଁ।
ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତି, ବାହାର ରତ୍ନଭଣ୍ଡାର କବାଟ ପୂର୍ବରୁ ଆଇରନ ଗେଟ୍ ଥିଲା। ଏହା ୨୦୦ ବର୍ଷ ପୂର୍ବରୁ ନିର୍ମିତ ହୋଇଥିଲା ଏହାକୁ ଷ୍ଟେନଲେସ କରାଯାଇଛି। ବାହାର କବାଟରେ ରୁପା ଆଚ୍ଛାଦିତ କରାଯିବ।
Powered by Froala Editor
