ଶେଫାଳି ଜରିୱାଲା ଆଉ ଏହି ଦୁନିଆରେ ନାହାନ୍ତି। ମାତ୍ର ୪୨ ବର୍ଷ ବୟସରେ ହୃଦଘାତରେ ତାଙ୍କର ମୃତ୍ୟୁ ଘଟିଛି। ପୋଲିସ ତଦନ୍ତରେ ଅନେକ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିଛି।

ତଦନ୍ତରୁ ଜଣାପଡିଛି ଯେ ଶେଫାଳୀ ଗତ ୫-୬ ବର୍ଷ ଧରି ନିୟମିତ ଭାବରେ ବାର୍ଦ୍ଧକ୍ୟ ପ୍ରତିରୋଧୀ ଆଣ୍ଟି-ଏଜିଂ ଔଷଧ ଖାଉଥିଲେ। ଜୁନ୍ ୨୭ ତାରିଖରେ ତାଙ୍କ ଘରେ ଏକ ପୂଜା ଥିଲା। ଏନେଇ ଶେଫାଳି ଉପବାସ କରିଥିଲେ, କିନ୍ତୁ ଏହା ସତ୍ତ୍ୱେ, ସେ ସେହି ଦିନ ଅପରାହ୍ନରେ ଆଣ୍ଟି-ଏଜିଂ ଔଷଧର ଏକ ଇଞ୍ଜେକ୍ସନ ନେଇଥିଲେ। 

ପୂଜା ପରେ, ଶେଫାଲି ଫ୍ରିଜ୍‌ରେ ରଖାଯାଇଥିବା ଖାଦ୍ୟ ବାହାର କରି ଖାଇଦେଲେ। ଏହା ପରେ ତୁରନ୍ତ ତାଙ୍କର ରକ୍ତଚାପ ହ୍ରାସ ପାଇଲା ଏବଂ ସେ ଅଚେତ ହୋଇଗଲେ। ଏହା ମଧ୍ୟ ସନ୍ଦେହ କରାଯାଉଛି ଯେ, ଫ୍ରିଜ୍‌ରେ ରଖାଯାଇଥିବା ଖାଦ୍ୟ ଖାଇବା ହୃଦଘାତର କାରଣ ହୋଇପାରେ।

ଅନେକ ବର୍ଷ ପୂର୍ବରୁ ଡାକ୍ତରଙ୍କ ପରାମର୍ଶରେ ଶେଫାଳୀଙ୍କୁ ଏହି ଔଷଧ ଦିଆଯାଇଥିଲା, ଏବଂ ସେବେଠାରୁ ସେ ପ୍ରତି ମାସରେ ଏହି ଚିକିତ୍ସା କରୁଥିଲେ। ପୋଲିସ ସନ୍ଦେହ କରୁଛି ଯେ ଏହି ଔଷଧ ତାଙ୍କର ହଠାତ୍ ମୃତ୍ୟୁର ଏକ ପ୍ରମୁଖ କାରଣ ହୋଇପାରେ। ଯାହା ତାଙ୍କ ହୃଦଘାତର କାରଣ ହୋଇଛି।

ଫୋରେନ୍ସିକ ସାଇନ୍ସ ଲ୍ୟାବ (FSL) ଟିମ୍‌ ଶେଫାଳିଙ୍କ ଘରୁ ୩ଟି ଔଷଧ ପାଇଲେ, ଯାହାକୁ ଶେଫାଳି ଖାଉଥିଲେ। FSL ଦଳ ତାଙ୍କ ଘରୁ ଆଣ୍ଟି-ଏଜିଂ ଭାୟଲ, ଭିଟାମିନ ଇଞ୍ଜେକ୍ସନ ଏବଂ ଗ୍ୟାଷ୍ଟ୍ରିକ ଔଷଧ ପାଇଲେ। ଏହାର କାମ ଶରୀରରେ ଭିଟାମିନର ଅଭାବ ଦୂର କରିବା। ଯେତେବେଳେ ଖାଦ୍ୟ ଦ୍ୱାରା ଭିଟାମିନର ଅଭାବ ପୂରଣ ହୁଏ ନାହିଁ, ସେତେବେଳେ ଡାକ୍ତର ଏହି ଇଞ୍ଜେକ୍ସନ ଲେଖନ୍ତି।

Powered by Froala Editor