ବଲିଉଡ୍‌ ଅଭିନେତା ଗୋବିନ୍ଦା ଏବଂ ତାଙ୍କ ସ୍ତ୍ରୀ ସୁନିତା ଆହୁଜା ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଛନ୍ତି। କିଛି ଦିନ ପୂର୍ବରୁ, ଗୋବିନ୍ଦା ଏବଂ ସୁନୀତା ଛାଡପତ୍ର ନେବାକୁ ଯୋଜନା କରୁଛନ୍ତି ବୋଲି ଖବର ଆସିଥିଲା। ଗୋବିନ୍ଦାଙ୍କର ଅନୈତିକ ସମ୍ପର୍କ ଥିବା ମଧ୍ୟ କୁହାଯାଇଥିଲା। କିନ୍ତୁ, ତା’ପରେ ସୁନୀତା ଆଗକୁ ଆସି ଏହି ସମସ୍ତ ଖବରକୁ ଖଣ୍ଡନ କରି ମିଥ୍ୟା ବୋଲି କହିଥିଲେ।

ନିକଟରେ ସୁନିତା ଇନଷ୍ଟାଗ୍ରାମରେ ତାଙ୍କ ନାମ ପରିବର୍ତ୍ତନ କରିଛନ୍ତି। ବର୍ତ୍ତମାନ ସୁନୀତା ଇନଷ୍ଟାଗ୍ରାମରେ ତାଙ୍କ ନାମରୁ 'ଆହୁଜା' ଉପନାମ ହଟାଇଛନ୍ତି। ଏବେ ସୁନିତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ କେବଳ ସୁନିତା ନାମ ଲେଖାଯାଇଛି। ଏହା ପରେ, ଗୋବିନ୍ଦା ଏବଂ ସୁନିତାଙ୍କ ମଧ୍ୟରେ ଛାଡପତ୍ର ସମ୍ପର୍କରେ ଖବର ପୁଣି ଆସିବା ଆରମ୍ଭ ହୋଇଛି।

ସୁନିତା କହିଛନ୍ତି, ମୁଁ ଆହୁଜା ଏବଂ ଏହା କେବେ ପରିବର୍ତ୍ତନ ହେବ ନାହିଁ। ଯେତେବେଳେ ମୁଁ ଏହି ଦୁନିଆ ଛାଡିବି ସେତେବେଳେ ହିଁ ସରନେମ୍‌ ହଟିଯିବ। ମୁଁ ମୋ ନାମରୁ ଆହୁଜା ହଟାଇ ଦେଇଛି ଏବଂ ମୋର ପ୍ରଥମ ନାମ ସହିତ ଏକ ଅତିରିକ୍ତ ଏସ୍‌ ଯୋଡିଛି। ମୁଁ ନ୍ୟୁମୋରୋଲୋଜି ପାଇଁ ଏହା କରିଛି। ଆମର ଏକ ଖୁସି ପରିବାର। ଯେପର୍ଯ୍ୟନ୍ତ ଆମେ କିଛି ଘୋଷଣା କରିନାହୁଁ, ସେପର୍ଯ୍ୟନ୍ତ କୌଣସି ଗୁଜବ ଉପରେ ବିଶ୍ବ‌ାସ କରନ୍ତୁ ନାହିଁ। "

ଗୋବିନ୍ଦା ଏବଂ ସୁନିତା ପ୍ରେମ ବିବାହ ହୋଇଥିଲା। ସେମାନେ ୧୯୮୭ ମସିହାରେ ବିବାହ କରିଥିଲେ। ଗୋବିନ୍ଦା ଏବଂ ସୁନିତାଙ୍କର ଦୁଇଟି ସନ୍ତାନ, ଗୋଟିଏ ଝିଅ ଏବଂ ଗୋଟିଏ ପୁଅ ରହିଛି।

Powered by Froala Editor