ପ୍ରଖ୍ୟାତ ଆସାମୀ ଗାୟିକା ଗାୟତ୍ରୀ ହଜାରିକାଙ୍କର ୪୪ ବର୍ଷ ବୟସରେ ଆସାମର ଗୌହାଟୀର ନେମକେୟାର ହସ୍ପିଟାଲରେ ପରଲୋକ ଘଟିଛି।  ଶୁକ୍ରବାର ଅପରାହ୍ନରେ ଚିକିତ୍ସାଧୀନ ଅବସ୍ଥାରେ ତାଙ୍କର ପରଲୋକ ହୋଇଥିବା ସୂଚନା ମିଳିଛି। ଗାୟିକା ଜଣକ Colon କର୍କଟ ରୋଗରେ ପୀଡିତ ଥିଲେ। ତାଙ୍କ ଦେହାନ୍ତ ଖବର ପାଇଁ ସଙ୍ଗୀତ ଜଗତରେ ଶୋକର ଛାୟା ଖେଳିଯାଇଛି। ସେ ନିଜର ‘ଜୋରା ପାଟେ ପାଟେ ଫାଗୁନ ନାମେ’ ଗୀତ ପାଇଁ ପ୍ରସିଦ୍ଧ ଥିଲେ।

ଆସାମର ସାଂସ୍କୃତିକ ଏବଂ ସଙ୍ଗୀତମୟ ଦୃଶ୍ୟପଟର ଜଣେ ପ୍ରମୁଖ ବ୍ୟକ୍ତିତ୍ୱ ଥିଲେ ଗାୟତ୍ରୀ ହଜାରିକା। ତାଙ୍କର ଭାବଭରା କଣ୍ଠସ୍ୱର ଏବଂ ପାରମ୍ପରିକ ଆସାମୀ ସଙ୍ଗୀତକୁ ସମସାମୟିକ ଶବ୍ଦ ସହିତ ମିଶ୍ରଣ କରିବାର ଅନନ୍ୟ କ୍ଷମତା ପାଇଁ ସେ ବେଶ୍‌ ଜଣାଶୁଣା ଥିଲେ। 

ଗାୟତ୍ରୀ ତୁମି କୁନ ବିରୋହୀ ଅନନ୍ୟା, ଜଙ୍କ ନାସିଲ ବୋନୋଟ, ଜେଉଜୀ ଏକ୍ସପୋନ, ଏବଂ ଅନ୍ୟାନ୍ୟ ଚର୍ଚ୍ଚିତ ଲୋକପ୍ରିୟ ଗୀତରେ ମଧ୍ୟ ସ୍ୱର ଦେଇଛନ୍ତି। ଅନେକ ସେଲିବ୍ରିଟି ଏବଂ ପ୍ରଶଂସକ ସୋସିଆଲ ମିଡିଆରେ ଗାୟତ୍ରୀ ହଜାରିକାଙ୍କୁ ଶ୍ରଦ୍ଧାଞ୍ଜଳି ଦେଇ ସେମାନଙ୍କର ଦୁଃଖ ପ୍ରକାଶ କରିଛନ୍ତି।

ଗାୟତ୍ରୀଙ୍କ ଦେହାନ୍ତରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସର୍ମା ଦୁଃଖ ପ୍ରକାଶ କରିଛନ୍ତି। ସେ ଆହୁରି କହିଛନ୍ତି ଯେ, ତାଙ୍କର ଆତ୍ମାପୂର୍ଣ୍ଣ କଣ୍ଠସ୍ୱର ଏବଂ ଆସାମୀ ସଙ୍ଗୀତରେ ସ୍ଥାୟୀ ଅବଦାନ ସର୍ବଦା ମନେ ରହିବ।

Powered by Froala Editor