ମେଟ୍ ଗାଲାରେ ହୃଦୟ ଛୁଇଁନେଲା କିଆରା ଆଡଭାନୀ ଅନ୍ଦାଜ
ନ୍ୟୁୟର୍କରେ ହେଉଥିବା ଫ୍ୟାଶନର ସବୁଠୁ ବଡ଼ ଇଭେଣ୍ଟ, ମେଟ ଗାଲା ୨୦୨୫ରେ ଅଭିନେତ୍ରୀ କିଆରା ଆଡଭାନୀ ନିଜର ପ୍ରଥମ ଡେବ୍ୟୁ ସହ ସମସ୍ତଙ୍କ ମନ ମୋହିନେଇଛନ୍ତି। ସେ ପ୍ରଥମ ସନ୍ତାନକୁ ଜନ୍ମ ଦେବାକୁ ଯାଉଥିବା ବେଳେ ଡିଜାଇନର ଗୌରବ ଗୁପ୍ତାଙ୍କ ଦ୍ୱାରା ନିର୍ମିତ ଏକ ସ୍ୱତନ୍ତ୍ର ଗାଉନ ପିନ୍ଧି ମେଟ୍ ଗାଲାରେ ନଜର ଆସିଛନ୍ତି। ପୋଷାକରେ ସେ ତାଙ୍କର ମାତୃତ୍ବ ମନାଉଥିବାର ସ୍ପଷ୍ଟ ଦେଖିବାକୁ ମିଳିଛି।
ଗ୍ଲାମର ଏବଂ ମାତୃତ୍ୱର ଏଭଳି ମେଳ ବୋଧହୁଏ କେହି ପ୍ରଥମେ ଦେଖିନାହାନ୍ତି। କଳା, ଧଳା ଏବଂ ଗୋଲ୍ଡେନ ରଙ୍ଗର ମିଶ୍ରଣର ଗାଉନରେ ଯେବେ କିୟାରା ରେଡ୍ କାର୍ପେଟରେ ପାଦ ରଖିଛନ୍ତି, ସେତେବେଳେ ସବୁ କ୍ୟାମେରା ତାଙ୍କ ଉପରକୁ ଫୋକସ କରିଥିଲା।
ତାଙ୍କର ଏହି ଡ୍ରେସର ନାମ ରଖାଯାଇଥିଲା, ‘ବ୍ରେବହାର୍ଟସ’- ଯାହା ମହିଳାମାନଙ୍କ ଶକ୍ତି, ମାତୃତ୍ୱ ଏବଂ ପରିବର୍ତ୍ତନର ନୂଆ ଚରଣର ପ୍ରତୀକ ଥିଲା। ଏହି ଲୁକକୁ ଆହୁରି ଖାସ କରିବା ଲାଗି ଡ୍ରେସର ସେହି ଡିଜାଇନ, ଯେଉଁଥିରେ ଏକ ସୁନାର ଚେଷ୍ଟରେ ଦୁଇଟି ହାର୍ଟ ଆକୃତି ଥିଲା-ଜଣେ ମାଆଙ୍କ ହୃଦୟ ଏବଂ ଅନ୍ୟ ହେବାକୁ ଥିବା ଶିଶୁ। ଦୁହିଁଙ୍କୁ ଯୋଡ଼ିବାର ଏକ ଚେନ ଭଳି ଗର୍ଭନାଳ ଭାବେ ନିଆଯାଇଥିଲା। ଏହା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି।
କିଆରା ଲାଲ କାର୍ପେଟରେ ଶକ୍ତି ଏବଂ ମାତୃତ୍ୱର ଏକ ସ୍ପଷ୍ଟ ଚିତ୍ର ଆଙ୍କିବାରେ ସଫଳ ହୋଇଥିଲେ। ତାଙ୍କର ପୋଷାକ ଚୟନ ଚିନ୍ତାଶୀଳ ଥିଲା ଏବଂ ତାଙ୍କର ମେକଅପ୍ ଓ ଷ୍ଟାଇଲିଂ ଆହୁରି ଉଚ୍ଚ କୋଟ୍ଟୀର ଥିଲା। ନ୍ୟୁଡ୍ ଲିପ୍ଷ୍ଟିକ୍ ଓ ହାଲୁକା ଆଇ-ସ୍ୟାଡୋ ଲଗାଇ ସେ ନିଜର ଲୁକ୍କୁ ପୂରା କରିଥିଲେ।
Powered by Froala Editor
