ଭାରତରେ ଖୋଲୁନି ପାକିସ୍ତାନୀ ଷ୍ଟାରଙ୍କ ଇନଷ୍ଟାଗ୍ରାମ ଆକାଉଣ୍ଟ
ହଲଗାମ ଆତଙ୍କୀ ହମଲା ପରେ ଭାରତ ପାକିସ୍ତାନ ବିରୋଧରେ କିଛି ବଡ଼ କାର୍ଯ୍ୟାନୁଷ୍ଠାନ ନେଇପାରେ ବୋଲି ଲଗାତାର ରିପୋର୍ଟ ଆସୁଛି। କିଛି ଦିନ ପୂର୍ବରୁ ଭାରତ ପାକିସ୍ତାନୀ ଅଭିନେତା ଫୱାଦ ଖାନଙ୍କ ଆଗାମୀ ଫିଲ୍ମ ଅବୀର-ଗୁଲାଲ ରିଲିଜ୍ ଉପରେ ପ୍ରତିବନ୍ଧକ ଲଗାଇଥିଲା। ଏବେ ଆଉ ଏକ ବଡ଼ ଖବର ଆସିଛି। ବଡ଼ ବଡ଼ ପାକିସ୍ତାନୀ କଳାକାରଙ୍କ ଇନଷ୍ଟାଗ୍ରାମ ଆକାଉଣ୍ଟକୁ ବ୍ୟାନ୍ କରିଛନ୍ତି। ଏହି ତାଲିକାରେ ହାନିଆ ଆମିରଙ୍କ ଠାରୁ ଆରମ୍ଭ କରି ଇମରାନ ଆବାସଙ୍କ ଭଳି ସେଲିବ୍ରିଟିଙ୍କ ନାଁ ରହିଛି।
ଏହି ତାଲିକାରେ ଆୟେଜା ଖାନ, ମାହିରା ଖାନ, ଇକ୍ରା ଆଜିଜ ପରି ଜଣାଶୁଣା ଅଭିନେତ୍ରୀଙ୍କ ନାମ ମଧ୍ୟ ସାମିଲ ରହିଛି। ଏହି ନିଷ୍ପତ୍ତି ଭାରତ-ପାକିସ୍ତାନ ମଧ୍ୟରେ ଚାଲିଥିବା ରାଜନୈତିକ ଉତ୍ତେଜନା, ବିଶେଷକରି ପାହାଲଗାମ ଆତଙ୍କବାଦୀ ଆକ୍ରମଣ ପରେ ନିଆଯାଇଥିବା ବୋଲି ଜଣାପଡ଼ିଛି।
ରିପୋର୍ଟ ଅନୁଯାୟୀ, ଏହି ଅଭିନେତାଙ୍କ ଇନଷ୍ଟାଗ୍ରାମ ଆକାଉଣ୍ଟଗୁଡ଼ିକ ଭାରତୀୟ ଆଇପି ଠିକଣା ମାଧ୍ୟମରେ ଆକ୍ସେସ କରାଯାଇ ପାରୁନାହିଁ। ଏହି ପଦକ୍ଷେପକୁ ଅନେକେ ଭାରତ ସରକାରଙ୍କ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଭାବେ ଦେଖୁଛନ୍ତି, ଯାହା ଦୁଇ ଦେଶ ମଧ୍ୟରେ ସାଂସ୍କୃତିକ ବିନିମୟ ଉପରେ ପ୍ରଭାବ ପକାଇପାରେ।
Powered by Froala Editor
