ବଲିଉଡର ଲୋକପ୍ରିୟ ଗାୟିକାଙ୍କ ମଧ୍ୟରୁ ନେହା କକ୍କର ଆଜି ସଫଳତାର ଶୀର୍ଷରେ। ଲୋକପ୍ରିୟତା ଯୋଗୁ ସମାନ ଶୋ’ରେ ବିଚାରପତି ଆସନ ସେ ଅଳଙ୍କୃତ କରିଛନ୍ତି। ସାରା ବିଶ୍ୱରେ ନେହା ଲାଇଭ୍‌ କନସର୍ଟ କରିଥାନ୍ତି। ହେଲେ ଏବେ ଏକ ଲାଇଭ୍‌ ଶୋ’ରେ ତାଙ୍କୁ ଭୋ ଭୋ ହୋଇ କାନ୍ଦୁଥିବା ଦେଖାଯାଇଛି।

ପ୍ରକୃତରେ, ଗାୟିକା ତାଙ୍କ ସୋ’ରେ ତିନି ଘଣ୍ଟା ବିଳମ୍ବରେ ପହଞ୍ଚିଥିଲେ, ଯାହା ଫଳରେ ଦର୍ଶକ ଗାୟିକାଙ୍କ ଉପରେ ରାଗିଗଲେ ଏବଂ ତାଙ୍କୁ ଫେରିଯିବାକୁ କହିବାକୁ ଲାଗିଲେ। ନେହା କକ୍କର ତିନି ଘଣ୍ଟା ବିଳମ୍ବରେ ପହଞ୍ଚିବାରୁ ଦର୍ଶକଙ୍କ ମଧ୍ୟରେ କିଛି ଲୋକ ତାଙ୍କୁ ସମର୍ଥନ କରିଥିଲେ। କିନ୍ତୁ ଅନ୍ୟ ଲୋକମାନେ ଗାୟିକାଙ୍କ ଉପରେ ରାଗିଥିବା ଦେଖାଯାଇଥିଲା। ନେହା ତାଙ୍କ ଭୁଲ ପାଇଁ ପ୍ରଶଂସକମାନଙ୍କୁ କ୍ଷମା ମାଗିଥିଲେ ବି ପ୍ରତିବାଦ ବଢ଼ିଥିଲା। ଏହା ଦେଖି ସେ ମଞ୍ଚ ଉପରେ ହିଁ କାନ୍ଦିବାକୁ ଲାଗିଲେ। ତାଙ୍କ କାନ୍ଦ ଦେଖି ‌ଲୋକେ ତାଙ୍କୁ ଅଭିନୟ କରନାହିଁ ବୋଲି କହିଥିଲେ।

ଅଷ୍ଟ୍ରେଲିଆର ମେଲବର୍ନରେ ଏକ ଲାଇଭ୍‌ ଶୋ’ ସମୟରେ ନେହା ବଡ଼ ଭୁଲ କରିଦେଇଥିଲେ। ଶୋ’ରେ ସେ ତିନି ଘଣ୍ଟା ବିଳମ୍ବରେ ପହଞ୍ଚିଥିଲେ। ପ୍ରଶଂସକ ଗାୟିକାଙ୍କ ଅପେକ୍ଷା କରି ନିରାଶ ହୋଇଯାଇଥିଲେ। ପରେ ଯେତେବେଳେ ସେ ପହଞ୍ଚିଥିଲେ ପ୍ରଶଂସକ ଖପ୍ପା ହୋଇଯାଇଥିଲେ। ରାଗରେ ତାଙ୍କୁ ଚାଲିଯିବାକୁ କହିଥିଲେ।

କୁହାଯାଉଛି ଯେ, ସନ୍ଧ୍ୟା ୭.୩୦ରେ ସୋ’ ଆରମ୍ଭ ହେବାର ଥିଲା। ହେଲେ ନେହା ରାତି ୧୦ଟାରେ ପହଞ୍ଚିଥିଲେ। ଏହା ପରେ ଘଣ୍ଟାଏ ଗୀତ ଗାଇବା ପରେ ସେ ଚାଲିଯାଇଥିଲେ। ତେବେ କେଉଁ କାରଣରୁ ନେହା ବିଳମ୍ବରେ ପହଞ୍ଚିଥିଲେ, ତାହା ଜଣାପଡ଼ିନାହିଁ।

Powered by Froala Editor