ପୁଣି ଏକାଠି ନଜରକୁ ଆସିବେ ଗୋବିନ୍ଦା-ରବିନା
ମୁମ୍ବାଇ: ୯୦ ଦଶକର ବଲିଉଡ୍ ସୁପରହିଟ ଯୋଡ଼ି ଗୋବିନ୍ଦା ଓ ରବିନା ଟଣ୍ଡନ ପୁଣି ଥରେ ଏକାଠି ହେବେ । ଖୁବ୍ଶୀଘ୍ର ଏହି ଯୋଡ଼ିକୁ ବଡ଼ ପରଦାରେ ଦେଖିବାକୁ ପାଇବେ ଦର୍ଶକ । ଏନେଇ ସୋସିଆଲ୍ ମିଡିଆରେ ସୂଚନା ଦେଇଛନ୍ତି ରବିନା ଟଣ୍ଡନ । ଫ୍ୟାନ୍ମାନେ ଏହାକୁ ପ୍ରଶଂସା କରିବା ସହିତ ଶୁଭେଚ୍ଛା ଜଣାଇଛନ୍ତି ।
ରବିନା ଇନଷ୍ଟାଗ୍ରାମରେ ଗୋବିନ୍ଦାଙ୍କ ସହ ନିଜର କିଛି ଫଟୋ ଓ ଭିଡିଓ ସେୟାର କରିଛନ୍ତି । ଫଟୋ ଓ ଭିଡିଓ ସେୟାର କରି ସେ କହିଛନ୍ତି, “ଗ୍ରେଟ ରିୟୁନିୟନ ! ଆମେ ପୁଣିଥରେ ଏକାସଙ୍ଗେ ନଜର ଆସିବୁ ! କେବେ ? କେଉଁଠି ? ଏବଂ କଣ ? ଖୁବଶୀଘ୍ର ଆସୁଛୁ।” ରବିନା ଏହି ପୋଷ୍ଟକୁ ୯୦ ହଜାର ୟୁଜର୍ସ ଲାଇକ କରି ସାରିଛନ୍ତି ।
ଗୋବିନ୍ଦା ଓ ରବିନା ଟଣ୍ଡନଙ୍କ ଯୋଡି ଦର୍ଶକଙ୍କୁ ବହୁତ ପସନ୍ଦ । ଦୁହେଁ ବଲିଉଡର ଅନେକ ସୁପରହିଟ ଫିଲ୍ମରେ ନଜର ଆସିଛନ୍ତି । ଦୁହିଁଙ୍କ ଅଭିନୀତ ‘ଦୁଲ୍ହେ ରାଜା’, ‘ଆଣ୍ଟି ନମ୍ବର-୧’, ‘ଆଖିୟୋନ ସେ ଗୋଲୀ ମାରେ’ ଆଦି ଫିଲ୍ମ ଦର୍ଶକଙ୍କ ମନ ଜିଣିଥିଲା ।
Powered by Froala Editor
