୫ କୁକୁର ଛୁଆଙ୍କୁ ପେଟ୍ରୋଲ ପକାଇ ଜାଳିଦେଲେ, ମାଟି ତଳେ ପୋତିଦେଲେ
ଉତ୍ତରପ୍ରଦେଶର ମିରଟରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ସ୍ଥାନୀୟ କଙ୍କରଖେଡ଼ା ଥାନା ଖଡ଼ୌଲି କଲୋନୀରେ ୩ ଦିନ ତଳେ ଜନ୍ମ ହୋଇଥିବା ୫ କୁକୁର ଛୁଆଙ୍କୁ ପେଟ୍ରୋଲ ଢ଼ାଳି ଜିଅନ୍ତା ଜାଳି ଦେଲେ ଦୁଇ ମହିଳା। ଏହାପରେ ମାଟି ତଳେ ପୋତି ଦେଲେ। ଏଥିପାଇଁ ସେମାନଙ୍କୁ ବିରୋଧରେ ଥାନାରେ ମାମଲା ମଧ୍ୟ ରୁଜୁ ହୋଇଛି। ମେରଟର ଆନିମଲ କେୟାର ସୋସାଇଟି ପୁଲିସ ନିକଟରେ ଅଭିଯୋଗ କରିବା ପରେ କୁକୁରମାନଙ୍କୁ ମାଟି ତଳୁ ବାହାର କରି ପୋଷ୍ଟମର୍ଟମ ପାଇଁ ପଠାଯାଇଛି।
ବାରମ୍ବାର ଶବ୍ଦ କରୁଥିବାରୁ ଏଥିରେ ବିରକ୍ତ ହୋଇ ଶୋଭା ଏବଂ ଆରତି ନାମ୍ନୀ ୨ ମହିଳା ସେମାନେ ଶୋଇଥିବା ବୁଦା ଉପରେ ପେଟ୍ରୋଲ ସେମାନଙ୍କୁ ଜିଅନ୍ତା ଜାଳିଦେଇଛନ୍ତି। ଆନିମଲ କେୟାର ସୋସାଇଟିର ଅଭିଯୋଗ ଆଧାରରେ ୨ ମହିଳାଙ୍କ ବିରୋଧରେ ମାମଲା ରୁଜୁ କରାଯାଇଥିବା ମେରଟ ଏସ୍ଏସ୍ପି ବିପିନ ତାଡ଼ା କହିଛନ୍ତି। କୁକୁର ଛୁଆଙ୍କ ମୃତଦେହ ବ୍ୟବଚ୍ଛେଦ ପରେ ସେମାନଙ୍କୁ ପୋତି ଦିଆଯାଇଛି। ୨ ଅଭିଯୁକ୍ତ ମହିଳାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମିରଟ ସିଟି ଆରକ୍ଷୀ ଅଧୀକ୍ଷକ(ଏସ୍ପି) ଆୟୁଷ ବିକ୍ରମ ସିଂ କହିଛନ୍ତି।
Powered by Froala Editor
