୨୫ରୁ ଆରମ୍ଭ ହେବ ସଂସଦର ଶୀତକାଳୀନ ଅଧିବେଶନ
ନଭେମ୍ବର ୨୫ ତାରିଖରୁ ଆରମ୍ଭ ହେବ ସଂସଦର ଶୀତକାଳୀନ ଅଧିବେଶନ । ୨୫ ତାରିଖରୁ ଏହି ଅଧିବେଶନ ଆରମ୍ଭ ହେଉଥିବା ବେଳେ ଡିସେମ୍ବର ୨୦ ତାରିଖ ପର୍ଯ୍ୟନ୍ତ ଚାଲିବ । ଅଧିବେଶନରେ ୨୬ଟି କାର୍ଯ୍ୟଦିବସ ରହିଛି ।
ଚଳିତ ଅଧିବେଶନରେ ବହୁ ଗୁରୁତ୍ବପୂର୍ଣ୍ଣ ବିଲ୍ ଆସିବାରେ ଅଛି । ବିଶେଷ କରି ଓ୍ବାନ ନେସନ ଓ୍ବାନ ଇଲେକ୍ସନ ବିଲ୍ ସଂସଦରେ ଉପସ୍ଥାପନ କରିବେ କେନ୍ଦ୍ର ସରକାର । ଯାହାକୁ ନେଇ ସଂସଦର ଉଭୟ ଗୃହରେ ହଙ୍ଗାମା ଦେଖିବାକୁ ମିଳିପାରେ । ସେହିପରି ଓ୍ବାକଫ ସଂଶୋଧନ ବିଲ୍ ନେଇ ବି ସଂସଦରେ ଚାଲିପାରେ ବିତର୍କ ।
ଏହି ଶୀତକାଳୀନ ଅଧିବେଶନ ପୁରୁଣା ସଂସଦ ଭବନର କେନ୍ଦ୍ରୀୟ ହଲରେ ଆୟୋଜିତ ହେବାର ସମ୍ଭାବନା ରହିଛି । ୧୯୪୯ ମସିହାରେ ଏହିଠାରେ ସମ୍ବିଧାନକୁ ଅଙ୍ଗୀକୃତ କରାଯାଇଥିଲା । 26 ନଭେମ୍ବରରେ ପୁରୁଣା ସଂସଦ ଗୃହର ସେଣ୍ଟ୍ରାଲ ହଲରେ ସଂସଦର ମିଳିତ ଅଧିବେଶନ ଅନୁଷ୍ଠିତ ହୋଇପାରିବ । ଏହି ସମୟ ମଧ୍ୟରେ ଅନେକ ସଭା ମଧ୍ୟ ଅନୁଷ୍ଠିତ ହେବ । ତେବେ ଏ ସମ୍ପର୍କରେ ସରକାରୀ ସୂଚନା ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ ।
Powered by Froala Editor
