ତୃତୀୟ ଥର ପାଇଁ ଆଇପିଏଲ-୨୦୨୪ ଚାମ୍ପିଅନ ଟ୍ରଫି ହାତେଇଛି କୋଲକାତା ନାଇଟ ରାଇଡର୍ସ । ପ୍ରଥମେ ବ୍ଯାଟିଂ କରି ୧୧୩ ରନ କରିଥିଲା ହାଇଦ୍ରାବାଦ । ଏହି ରନ୍‌କୁ ଚେଜ୍‌ କରି ୧୦.୩ ଓଭରରେ ବିଜୟ ହାସଲ କରିଛି କେକେଆର ।

ଦୀର୍ଘ ବର୍ଷ ପରେ ଶାହାରୁଖଙ୍କ ଟିମ୍‌ କେକେଆର ଆଇପିଏଲ ଟ୍ରଫି ଜିତିଛି । କୋଲକାତା ନାଇଟ ରାଇଡର୍ସର ବିଜୟ ପରେ ଶାହାରୁଖ ଖାନ୍‌ଙ୍କୁ ଖୁସି ସୋସିଆଲ ମିଡିଆରେ ଦେଖିବାକୁ ମିଳୁଛି । କେକେଆରର ବିଜୟ ପରେ ଶାହାରୁଖ ନିଜ ସିଗ୍ନେଚର ଷ୍ଟାଇଲରେ ପୋଜ୍‌ ଦେଇଛନ୍ତି । ଏହାପରେ ମଇଦାନକୁ ଓହ୍ଲାଇ ଦର୍ଶକଙ୍କ ମନୋରଞ୍ଜନ କରିଛନ୍ତି କିଙ୍ଗ ଖାନ୍‌ । ବିଜୟ ସେଲିବ୍ରେସନରେ ଶାହାରୁଖ ପତ୍ନୀଙ୍କ ମଥାରେ କିସ୍‌ କରିଥିବା ଭିଡିଓ ବି ଭାଇରାଲ ହେବାରେ ଲାଗିଛି ।

ନିକଟରେ ଲୁ କାରଣରୁ କିଙ୍ଗ ଖାନଙ୍କ ଡିହାଇଡ୍ରେସନ ହୋଇଥିଲା । ଯେଉଁଥିପାଇଁ ସେ ଡାକ୍ତରଖାନାରେ ଭର୍ତ୍ତି ହୋଇଥିଲେ । ସାମାନ୍ୟ ସୁସ୍ଥ ହେବା ପରେ ସିଧାସଳଖ ଚେନ୍ନାଇରେ ପହଞ୍ଚିଥିଲେ ଶାହାରୁଖ । ଆଇପିଏଲ ୨୦୨୪ର ଫାଇନାଲ ମ୍ୟାଚ ଦେଖିବା ପାଇଁ ଝିଅ ସୁହାନା, ପୁଅ ଆର୍ୟନ ଓ ଅବରାମ ଏବଂ ପତ୍ନୀ ଗୌରୀ ଖାନଙ୍କ ସହ ଗ୍ୟାଲେରୀରେ ଶାହାରୁଖଙ୍କୁ ଛିଡା ହୋଇଥିବା ଦେଖିବାକୁ ମିଳିଥିଲା । ଆଇପିଏଲ ୨୦୨୪ ଟ୍ରଫି ନିଜ ନାଁରେ କରିଛନ୍ତି ଶାହରୁଖ ଖାନ୍‌ ଓ ଜୁହି ଚାୱଲାଙ୍କ କେକେଆର ଟିମ।

Powered by Froala Editor