ଝିଅ ସହ ଫେରାର ହେଲା ପୁଅ, ମା’କୁ ନିର୍ଦ୍ଦୟ ଭାବେ ପିଟିଲେ
ପୁଅ ଜଣେ ଝିଅକୁ ଭଲ ପାଉଥିଲା ବୋଲି ତାକୁ ନେଇ ଫେରାର ହୋଇଗଲା । ହେଲେ ଝିଅ ଘର ପରିବାର ଲୋକ ରାଗ ସୁଝାଇଲେ ପୁଅର ମା’ ଉପରେ । ଏଭଳି ଘଟଣା ଦେଖିବାକୁ ମିଳିଛି କର୍ଣ୍ଣାଟକର ହାଭେରୀ ଜିଲାରେ। ପୁଅ ଗର୍ଲଫ୍ରେଣ୍ଡ ସହିତ ଫେରାର ହୋଇଯିବା ପରେ ଜଣେ ୫୦ ବର୍ଷୀୟା ମହିଳାଙ୍କୁ ଏକ ଗାଁରେ ଇଲେକ୍ଟ୍ରିକ୍ ଖୁଣ୍ଟରେ ବାନ୍ଧି ଝିଅ ପରିବାର ଲୋକେ ମହିଳାଙ୍କୁ ମାଡ଼ ମାରିଥିଲେ।
ଏପ୍ରିଲ ୨୯ ରେ ହାଭେରୀ ଜିଲାର ଆରେମଲାପୁରା ଗ୍ରାମରେ ଏହି ଘଟଣା ଘଟିଥିଲା। ଦୁଇ ବର୍ଷ ପ୍ରେମ ସମ୍ପର୍କରେ ରହିବା ପରେ ହନୁମାଭା କୋମଙ୍କ ପୁଅ ମଞ୍ଜୁନାଥ ପୂଜାଙ୍କ ସହ ଲୁଚି ଘରୁ ପଳାଇ ଯାଇଥିଲେ। ଯେତେବେଳେ ପୂଜାଙ୍କ ପରିବାର ଏହି ଘଟଣା ବିଷୟରେ ଜାଣିବାକୁ ପାଇଲେ, ସେମାନେ ହନୁମାଭାଙ୍କ ଘରକୁ ଯାଇ ତାଙ୍କୁ ଟାଣି ଟାଣି ଗାଁ ମୁଣ୍ଡକୁ ଆଣିଥିଲେ। ତା’ପରେ ତାଙ୍କୁ ଏକ ଇଲେକ୍ଟ୍ରି ଖୁଣ୍ଟରେ ବାନ୍ଧି ନିର୍ଦ୍ଦୟ ଭାବରେ ପିଟିଥିଲେ। ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ହନୁମାଭାଙ୍କୁ ଉଦ୍ଧାର କରିଥିଲେ। ଏହି ଘଟଣାରେ ପୋଲିସ ତିନି ଜଣଙ୍କୁ ଗିରଫ କରିଛି।
Powered by Froala Editor
