ଟିଏମ୍ସି ଜାରି କଲା ୪୨ ଜଣିଆ ପ୍ରାର୍ଥୀ ତାଲିକା, ନୁସରତ୍ଙ୍କ ନାଁ ନାହିଁ
କିଛିଦିନ ପୂର୍ବରୁ ଭାଜପା-କଂଗ୍ରେସ ନିଜର ପ୍ରଥମ ପ୍ରାର୍ଥୀ ତାଲିକା ଘୋଷଣା କରିଥିବାବେଳେ ରବିବାର ଟିଏମସି ପ୍ରାର୍ଥୀ ତାଲିକା ଜାରି କରିଛି। ଇଣ୍ଡିଆ ମେଣ୍ଟ ସହ କୌଣସି ସିଟ୍ ଭାଗବଣ୍ଟା ହେବନାହିଁ ବୋଲି ଘୋଷଣା କରିବା ପରେ ମମତା ବାନାର୍ଜୀ ତାଙ୍କର ପ୍ରାର୍ଥୀଙ୍କ ନାମ ଜାରି କରିଛନ୍ତି। ତେବେ ତାଲିକାରେ ବହୁ କ୍ରିକେଟର ଓ ଫିଲ୍ମଷ୍ଟାର ମଧ୍ୟ ରହିଛନ୍ତି।
ମମତା ବାନାର୍ଜୀ ପଶ୍ଚିମବଙ୍ଗର ୪୨ଟି ଯାକ ଲୋକସଭା ଆସନ ପାଇଁ ଦଳୀୟ ପ୍ରାର୍ଥୀଙ୍କ ନାଁ ଘୋଷଣା କରିଥିବା ବେଳେ ସେଥିରେ ରହିଛି ୟୁସୁଫ ପଠାନଙ୍କ ନାଁ। ଦଳ ତାଙ୍କୁ ବହରାମପୁର ଆସନରୁ ପ୍ରାର୍ଥୀ କରିଛି।
ୟୁସୁଫ ପଠାନ ତୃଣମୂଳ କଂଗ୍ରେସରେ ଯୋଗ ଦେବାର କିଛି ସମୟ ପରେ ଦଳ ପକ୍ଷରୁ ଲୋକସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରାଯାଇଥିଲା। ୟୁସୁଫ, ଅଧୀର ଚୌଧୁରୀଙ୍କ ବିରୋଧରେ ଲଢେଇ କରିବାକୁ ଯାଉଛନ୍ତି।
ସେହିପରି କୁଚବିହାର ଲୋକସଭା ସିଟ୍ରୁ ଜଗଦୀଶ ଚନ୍ଦ୍ର ବସୁନିଆଙ୍କୁ ଟିକେଟ୍ ମିଳିଛି। ସନ୍ଦେଶଖାଲି ଯେଉଁଠୁ ଅଭିନେତ୍ରୀ ନୁସରତ ଜାହାଁ ଏମପି ଥିଲେ। ତେବେ ଟିଏମସି ତାଙ୍କର ଟିକେଟ୍ କାଟି ହାଜି ନୁରଲ ଇସଲାମଙ୍କୁ ଟିକେଟ୍ ଦେଇଛି।
ୟୁସୁଫ ପଠାନଙ୍କୁ ମଇଦାନକୁ ଓହ୍ଲାଇବା ସହ TMC ଆଉ ଜଣେ କ୍ରିକେଟର କୀର୍ତ୍ତି ଆଜାଦଙ୍କୁ ଦୁର୍ଗାପୁରରୁ ଟିକେଟ୍ ଦେଇଛି। ଏହି ସିଟ୍ରୁ ଭାଜପାର ଏସଏସ ଆହଲୁବଲିଆ ଏମପି ଅଛନ୍ତି। ଅଭିନେତା ଶତ୍ରୁଘ୍ନ ସିହ୍ନାଙ୍କୁ ଟିଏମସି ପୁଣି ଭରସା କରିଛି। ତାଙ୍କୁ ମମତା ଆସନସୋଲରୁ ଟିକେଟ୍ ଦେଇଛନ୍ତି।
Powered by Froala Editor
